Sixtus IV
Sixtus IV (humili loco natus Franciscus Rovereus, die 21 Iulii 1414 in Liguria ad Savonem; obiit die 12 Augusti 1484) fuit Papa Catholicus Romanus a die 9 Augusti 1471.
Vita
Franciscus Rovereus, frater Franciscanus, apud multas universitates studuit. Die 14 Aprilis 1444, doctor theologiae Patavii factus est, ubi postea docuit, etiam in Bononia, Florentia, Papia, Perusia, et Sena Iulia.
Die 19 Maii 1464, fratrum Franciscanorum magister factus est, et die 18 Septembris 1467 a papa Paulo II Cardinalis Sanctae Romanae Ecclesiae.
Multa opera de theologia scripsit, e.g. tractus De potentia Dei et De sanguine Christi.
Pontificatus
Die 26 Aprilis 1478 papa Sixtus IV coniurationem contra familiam Medicum cum auxilio familiae Pazzi adversae Medices fecit. In ecclesia Sancta Maria Floris Florentiae, Laurentius Medices vulneratus et Iulianus frater necatus est.
Papa Sixtus IV praeclarissimam aediculam in Civitate Vaticana aedificare fecit, quo praeclarissimos pictores et sculptores aetate sua vocavit (Verrocchio, Botticelli, Pinturicchio, Peruginum, etc.). Haec aedicula ad suum honorem Aedicula Sixtina appellatur.
Sixtus indecore favit nepotibus et aliis propinquuis suis Ioanni et Iuliano Rovereo, Raphaeli Riario, et Hieronymo Riario, cui multa munera et dominia tribuit.
Apud eum Martinus Comensis coquus secretus meruit.[1]
Sixtus IV in litteris
Epitaphium Sixti IV, fautoris bellorum per totam paeninsulam Italicam, sic scripsit Marullus:
- Senserat Ausoniam vix dum bene foedere iungi
- Cum 'Perii!' Xystus dixit et interiit.
- Marullus, Epigrammata, 1.30.
- Cum 'Perii!' Xystus dixit et interiit.
Notae
Nexus externi
Vicimedia Communia plura habent quae ad Sixtum IV spectant. |
- Michael Schaich, "SIXTUS IV., Papst" in Biographisch-Bibliographisches Kirchenlexikon vol. 10 (Herzberg, 1995. ISBN 3-88309-062-X) , columnae 584–599 (Theodisce)
- De Sixto IV in The Catholic Encyclopedia: an international work of reference (Novi Eboraci: Appleton, 1907–1914) (Anglice)
- Opera Syxti IV aut de Sixto IV apud Bibliothecam Nationalem Germanicam (Theodisce)
- Vincenzo Pacifici,Un carme biografico di Sisto IV del 1477, Società Tiburtina di Storia e d'Arte, Tivoli, 1921 [1]