Daslook
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Daslook (Allium Ursinum) is e kroed dat in Nederland wèttelek besjermd is en allèng in d'r oethoot in de Limburgse hellingbosse, in Belsj allèng in Voere en wieër in 't Laand va Herf en de Ardenne väörkeumt. 't Is e looksaoërt dae geboonde is an kalkgroond.
Kenmerke
De plaant greujt tössje allerlèj giftige plaante, wie d'r aronskelk of d'r muguet ooch meizäödje of lelietje der dalen geneumd, die 'n vergeliekbare bladvörm haant mae aander, ooch witte, blome. D'r aronskelk haat 'n kelkbloom, d'r muguet klökskes en d'r daslook 'n sjtervörmige. Me kan d'r daslook mèt zieëkerheed herkènne dör e blaad te plukke en dat fie te vrieve. Es me daobie 'ne lichte knoflookgeur ruukt is 't daslook. Oeë väöl daslook biejee weest ruukt me d'r look evvel al va wiet en kan me d'r hiebaove besjraeve test dus neet vertroewe.
Gebroek
De blaar van d'r daslook zeunt lekker in de sjlaat, mae ooch in forel mètgebakke.In Duutsjlaand wert 'ne pesto gemakd va daslook, dae o.m. gebroekd wert bie asperges.