२०१७ म्यानचेस्टर एरिना बम विष्फोटन
सन् २०१७ मई २२ कऽ दिन अमेरिकी गायिका अरिएना ग्रान्डक साङ्गीतिक कार्यक्रम समाप्त भेलाक बाद इङ्ल्यान्डक म्यानचेस्टर शहरमे रहल म्यानचेस्टर एरिनाक बाहर आत्मघाती बम विष्फोटन भेल छल । म्यानचेस्टर प्रहरीद्वारा आत्मघाती आक्रमणकारी २२ वर्षक लिबियन मूलक ब्रिटिस नागरिक सलमान अबेदी भेल बतौने अछि ।[६][९] साङ्गीतिक कार्यक्रम समाप्त भेलाक बाद नागरिकसभ बाहर निकलैत काल आक्रमणकारी आइइडी प्रयोग करि बम बिष्फोट केनए छल । ई आक्रमणमे २३ लोकक मृत्यु भेल छल जहिमे अबेदी सहो सामिल छल आ ६४ लोक गम्भीर रुपसँ घाइल भेल छल ।[१०]
२०१७ म्यानचेस्टर एरिना बम विष्फोटन 2017 Manchester Arena bombing | |
---|---|
स्थान | म्यानचेस्टर, इङ्ल्यान्ड |
तिथि | २२ मई २०१७ २२:३३ (ब्रिटिस ग्रीष्म समय) |
लक्षित | आम नागरिक[१] |
आक्रमण-प्रकार | आत्मघाती आक्रमण |
हाथहतियारसभ | आइइडी[२] |
मृत्यु | २३ (आक्रमणकर्ता सहित)[३] |
घाइल | ६४+[४][५] |
आक्रमणकारी | सलमान रमादान अबेदी[६][७][८] |
आक्रमण
सन् २०१७ मई २२ के लगभग ब्रिटिस समयानुसार २२:३० (युटिसी+०१:००),[११] एक आत्मघाती आक्रमणकारी इङ्ल्यान्डक म्यानचेस्टर शहरमे रहल म्यानचेस्टर एरिनाक मनोरञ्जनशाला क्षेत्रमे नट आ बोल्ट सहित आइइडी प्रयोग करि बम विष्फोट केनए छल । ई आक्रमण अमेरिकी गायिका अरिएना ग्रान्डक साङ्गीतिक कार्यक्रम समाप्त भेलाक बाद भेल छल ।[१२][१३] ई साङ्गीतिक कार्यक्रमक सम्पूर्ण टिकट विक्री भऽ गेल छल आ अन्दाजी २१,००० लोक कार्यक्रममे आएल छल ।[१४] अधिकांश लोक विष्फोटनक समय मनोरञ्जनशाला क्षेत्रसँ बाहर निकलैत छल आ साङ्गीतिक सामग्री खरिद करिक लेल जम्मा भेल छल ।[१५][१६]
ग्रेटर म्यानचेस्टर प्रहरी ई घटनाकें आतङ्ककारी आक्रमण कहि आत्मघाती बम विष्फोटनक रुपमे पहिचान केनए अछि । ७ जुलाई २००५ लन्डन बम विष्फोटन आ १९९६ म्यानचेस्टर बम विष्फोटनक बाद भेल सभसँ खतरनाक आक्रमण छी ।[१७]