अमिताभ बच्चन

इलाहाबाद, उत्तर प्रदेश, मे जनमल अमिताभ बच्चन हिन्दु कायस्थ परिवार सं सम्बन्ध राखथि अछि । हुनक पिता, डॉ॰ हरिवंश राय बच्चन प्रसिद्ध हिन्दी कवि छलाह, आ' हुनकर माय तेजी बच्चन कराचीके सिख परिवार सं सम्बन्ध रखैत छलीह ।^[४] आरंभ मे बच्चनक नाम इन्कलाब राखल छल जे कि भारतीय स्वतन्त्रता संग्रामक समय मे प्रयोग कएल गेल छल संगहि ई नाम प्रेरित वाक्यांश इंकलाब जिंदाबाद सं लेल गेल छल किन्तु तत्पश्चात हुनकर नाम पुन: अमिताभ राखल गेल जकर अर्थ थीक, "एहन प्रकाश जे कहियो नै मिझबय"। यद्यपि हुनक अन्तिम नाम श्रीवास्तव छल तत्पश्चात हुनक बाबुजी अहि उपनाम के अपन कृति सभ मे प्रकाशित करौने छलाह ओ 'बच्चन' नाम सं उद्धृत केने छलाह । ई हुनक अन्तिम नाम छल जाहि सं हुनकर चलचित्र सभ आ' सभ लौकिक प्रयोजन सभक लेल उपयोग कएल गेल। आब ई नाम हुनकर समस्त परिवारीजन सभक उपनाम बनि गेल अछि ।

अमिताभ, स्व० हरिवंश राय बच्चनजी केरि दुइ पुत्र मे ज्येष्ठ छथि । हुनकर दोसर पुत्रक नाम अजिताभ थीक । हुनक माय के रंगमंच वा अभिनय मे अत्यधिक रुचि छल आर हुनका चलचित्र मे सेहो भूमिका-निर्वाह करबाक प्रस्ताव कएल गेल किन्तु हुनका गृहणी बनल रहब नीक लगलनि । अमिताभक करियरक चयन मे हुनकर मायक सेहो कुछ सहयोग छल कारण ओ सभ सदति अहि बात पर जोर देने छलीह जे हुनका बहुविध चर्चित रहि अभिनय रंगमंच के अपन करियर बनाबहि पड़़त ।^[५] अमिताभजी केरि साहित्यकार बाबुजी केरि देहांत २००३ मे भेल छल और हुनक मायक २१ दिसम्बर २००७ मे भेल छल । ^{[६] [७]}

महानायक अमिताभ दुइ बेर एम.ए.क उपाधि प्राप्त केने छथि । मास्टर अफ आर्ट्स (स्नातकोत्तर) इलाहाबाद के ज्ञान प्रबोधिनी केर बायज हाई स्कूल (बीएचएस) तदुपरान्त नैनीताल के सिंहवुड कालेज मे अध्ययनरत छलाह जतय कला संकाय मे प्रवेश भेटल । अमिताभ ओकर बादक शिक्षाक लेल दिल्ली विश्वविद्यालय केरि किरोड़ीमल कालेज गेल जतय हुनका विज्ञान स्नातक के उपाधि भेटलन्हि । अपन आयुक दोसर ओ तेसर दशक मे बच्चन अभिनय मे करियर प्रारंभ करबा' लेल कलकत्ता केरि एक शिपिंग फर्म - बर्ड एण्ड कंपनी मे भंडारपाल-सह~ मधयवर्ती ब्रोकर नौकरी छोड़ि देने छलाह ।

• अमिताभ बच्चन अमिताभ बच्चन कऽ बारेमें सम्पूर्ण जानकारी
• अमिताभ बच्चनके जीवन कऽ कहानी सुनु तस्वीर सं... सङ्ग्रहित २०११-११-१३ वेब्याक मेसिन
• अमिताभ बच्चन भारत रत्नक असली हकदार छी: ठाकरे (नवभारत टाइम्स)
• अमिताभ बच्चन कऽ जीवनी
• आवाजके जादू से राज कायम अमिताभ