5 идым

Идым тылзын визымше кечынже Елизавета-влакын лӱм кечышт.

Тугак ончо: Категорий:Идым тылзын 5 кечысе событий-влак

• 1698-ше ийыште I Пӧтыр кугыжа у кӱштыкым луктын: пондашым нумалмылан ешартыш налогым тӱлымаш улмаш.
• 1982-шо ийыште Москва-Лос-Анджелес телемостым ыштыме. Тиде телевиденийын историйыштыже икымше тыгай эфир.
• 1997-ше ийыште Моско олаште Пӧтыр Кугыжалан чапкӱм почмо.

Тугак ончо: Категорий:Идым тылзын 5 кечынже шочшо-влак

• 1901 - Богословский, Дмитрий Фёдорович, марий серызе, прозаик, журналист.
• 1949 — Василий Сергеевич Чернов, туныктыш пашаеҥ. Юлсер кундем Черкысола ялыште шочын-кушкын. Марий кугыжаныш педагогик институтым тунем лекмек, Волжск оласе 4 №-ан школышто пашам ышташ тӱҥалын – вуйлатыше мартеат шуын. Умбакыже оласе комитетыште, а вара уэш туныктымо пашаште шуаралтын. 1991-ше ий гыч 1 №-ан школын вуйлатышыже лийын.
• ???? — Елизавета Александровна Иванова, марий артистка. Тудын паша корныжо Шкетан лӱмеш кугыжаныш драме театр дене кылдалтын. У Роҥго кундемын талантан шочшыжо ойырен налме специальность дене шинчымашым Ленинградысе Крупская лӱмеш тӱвыра институтышто поген. Тунем пытарымек, театрыш толын. Шуко тӱрлӧ оҥай рольым чоҥен. Но пытартыш жапыште Елизавета Александровна режиссёрын полышкалышыже семынат тырша. Тудын пашажым аклен, Марий Эл республикын чап таныкше дене палемденыт.
• 1952 — Татьяна Ивановна Егошина, мурызо, Марий Эл Республикын сулло артисткыже. У Торъял посёлкышто шочын. Йошкар-Оласе сем училищым тунем пытарымек, «Мари» вокал да семӱзгар ансамбльыште шуаралташ тӱҥалын. 70-ше ийлаште тудо эстрадын ик эн чолга шӱдыржӧ лийын: Сочисе совет муро фестивальын лауреатше.
• 1951 — Вячеслав Семёнович Азаев, Россий Федерацийын сулло эмлызыже палемда. Шкеже Дагестан республик Дербент ола гыч. Саратов оласе мединститутым тунем пытарыме деч вара Йошкар-Олашке толын да оласе эмлыме верыште тыршаш тӱҥалын. 1992-шо ий гыч травматологий диспансерыште тӱҥ эмлызе семын пашам ышта.
• 1960 — Геннадий Кузьмич Волков, спорт да туныктыш пашаеҥ. Тудо Марий Тӱрек посёлкышто шочын-кушкын. Паша корныжо Йошкар-Оласе ял озанлык техникум дене кылдалтын: тыште тудо туныктышылан пашам ышта. Спорт аланыштат кугу кӱкшытыш шуын: ече дене коштмаш да пауэрлифтинг дене спорт мастер лӱмым нумалеш.

Тугак ончо: Категорий:Идым тылзын 5 кечынже колышо-влак

• Луппан кечыже. Тиде кечын еҥ-влак шере пӧчыжым погеныт. Каваште турня-шамычымат эскереныт: кайык-влак писын да йӱкым лукде чоҥештат гын, вашке йӱштӧ толеш. Турня кашта ӱлнӧ кая гын, эше леве лиеш.

	5 идым Викиклатыште?