Montenegro
Montenegro adolah sabuah nagara di Eropa Tenggara[1] nan babatehan jo Bosnia jo Herzegovina di utara, Serbia di timur lauik, Kosovo di timur, Albania di tenggara, sarato Kroasia jo Lauik Adriatik di barat lauik. Garih pantainyo mambantang sapanjang 293,5 km.[2] Ibu kota jo kota tagadangnyo iolah Podgorica nan manjadi rumah bagi 31% panduduaknyo.[3]
Politik Montenegro barado dalam karangko republik demokratis perwakilan parlementer jo konstitusi tahun 2007. Salain itu, nagara ko mamakai sistem multi-partai.[4] Kuaso eksekutif dijalankan dek pamarentah nan dipimpin dek Presiden sabagai kapalo nagara jo Pardana Mantari sabagai kapalo pamarentahan;[5] kuaso legislatif dek pamarentah jo Parlemen Montenegro; sadangkan Yudikatif independen. Unit Intelijen Ekonom manilai Montenegro sebagai nagara jo "demokrasi nan cacek" pado tahun 2022.[6]
Manuruik pakiroan tahun 2019 panduduaknyo bajumlah 622.028 jiwa,[7] batambah sakitar 2000 jiwa dari sensus tahun 2011.[8] Bahaso Montenegro marupokan bahaso rasmi jo bahaso Serbia, Bosnia, Albania, jo Kroasia diakui dalam panggunoan rasmi.[9] Montenegro sacaro historis barado di pasimpangan multikulturalisme jo salamo ba abad-abad hal iko alah mambantuak koeksistensi unik antaro panduduak Muslim jo Kristen.[10]
