Sijarah dunia

Sijarah dunia adolah sijarah umaik manusia di sadonyo alam samasta, tamasuak nan ado di Bumi, bamulo dari era Paleolitikum (zaman batu tuo). Babedo jo sijarah Bumi (nan mancakuik sijarah geologis Bumi jo era sabalun kabaradoan manusia), sijarah dunia tadiri dari kajian rekam arkeologi dan catatan tatulih, dari zaman kuno hinggo kini. Pancatatan sijarah bamulo sojak aksara dan sistem tulih babuek, tapi asa mulo paradaban batulak dari pariode sabalun panciptaan tulisan, atau zaman prasijarah.^[1][2] Prasijarah bamulo dari Paleolitikum (zaman batu tuo), baikuiki jo Neolitikum (zaman batu mudo) dan Revolusi Partanian (antaro 8000–5000 SM) di kawasan Hilal Subur. Revolusi tasabuik marupoan titiak parubahan gadang dalam sijarah umaik manusia basobok sojak maso tu inyo alah dapek mambudidayoan tumbuhan jo hewan.^[3] Sajalan jo pakambangan partanian, gayo hiduik nomad baubah manjadi gayo hiduik tingga sabagai patani.^{[lower-alpha 1]} Kamajuan partanian barakibaik pambagian strata pakarajo dalam usaho panen. Salain tu, paradaban tabik juo di lambah Sungai Kuniang. Di tampek-tampek pakambangan paradaban kuno, partumbuhan masyarakaik nan samakin rumik manyababkan pambuekan abjaik untuak mamparmudah usaho administrasi jo niago.^[5]