Ивица Димчевски
Ивица Димчевски (роден 27 јуни 1989 во Скопје) — македонски кошаркар и поранешен репрезентативец. Тој игра на бековската позиција во КК Еуро Никел 2005.
Ивица Димчевски | |
---|---|
Позиција | Бек |
Висина | 1,95 м |
Тежина | 93 кг |
Лига | Прва македонска кошаркарска лига |
Клуб | Гостивар |
Број | 24 |
Роден | 27 јули 1989 Скопје, СР Македонија, СФРЈ |
Националност | Македонец |
Проф. кариера | 2007– |
Клубови | |
2007–2010 | Вардар |
2010–2012 | Торус |
2012–2014 | Куманово |
2014–2016 | Работнички |
2016 | Струмица |
2017 | Кожув |
2017- | Гостивар |
Репрезентација | |
Инфо од: 12.06.2018. |
Клупска кариера
Димчевски својата кошаркарска кариера ја започнал во 2007 година во екипата на КК Вардар од Скопје. Во тимот на Вардар се задржал две сезони, а потоа се преселил во тимот на Торус каде настапил две сезони,[1] односно сè до распадот на клубот. Во 2012 година Ивица потпишал за Куманово, каде бил еден од главните столбови на играта. Пред почетокот на сезоната 2013/2014 година, Димчевски се здобил со тешка повреди, при што морал да паузира неколку месеци од кошарката.[2][3] Во март 2014 година, Ивица Димчевски го напуштил КК Куманово.[4] За сезоната 2014/15, Ивица Димчевски потпишал за Работнички.[5][6] Во 2015 година, со Работнички го освоил Купот на Македонија.[7][8] Со истата екипа, тој стигнал до полуфиналето во Првенството 2014/2015.[9][10] Во сезоната 2015/16, за време на последните тренинзи пред натпреварот од третото коло, Ивица Димчевски ги скинал лигаментите на коленото и лекарските прегледи потврдиле дека ќе ја пропушти целата сезона.[11][12][13][14] За сезоната 2016/17, Димчевски потпишал за Струмица.[15] Во јануари 2017 година, Димчевски се преместил во Кожув.[16] Во август 2017 година Димчевски потпишал за новиот прволигаш Гостивар.[17] За сезоната 2018/19, Димчевски продолжил во редовите на Гостивар.[18][19] Димчевски и Гостивар, во јули 2019 година, се договориле за уште една сезона.[20] За сезоната 2020/21, во средината на јуни 2020 година, тој потпишал двегодишен договор со кој ја продолжил соработката со Гостивар.[21][22]
Репрезентативна кариера
Ивица Димчевски со Кошаркарската репрезентација на Македонија го освоил четвртото место на Европското Првенство кое се одржало во Литванија.[23] Ивица бил во поширокиот состав за предолимписките квалификации во Каракас.[24][25] Во 2014 година, Ивица учествувал со репрезентацијата во квалификациите за Евробаскетот 2015,[26] при што обезбедиле пласман.[27][28] Но во летото 2015 година, за време на подготовките Димчевски отпаднал од националниот состав.[29][30][31]
Успеси
Титули
| Признанија
|