ദൈവത്തിന്റെ വികൃതികൾ

ഫ്രഞ്ച് വംശജർ മാഹി വിട്ടുപോകുന്ന അവസാനത്തെ കപ്പൽ പുറപ്പെടുംമുമ്പുവരെ 'നമുക്കും ഫ്രാൻസിലേക്കു പോയി സുഖമായി ജീവിക്കാം' എന്ന് ഭാര്യ മാഗി മദാമ്മ അൽഫോൺസച്ചനോട് അപേക്ഷിച്ചു. പക്ഷേ അച്ചന് ആ ദേശം വിട്ടുപോകുവാനാകുമായിരുന്നില്ല. സമൃദ്ധിയുടെ വാഗ്ദത്തഭൂമിയായ ഫ്രാൻസിലേക്കു പോകാൻ കഴിയാത്തതിലുള്ള അമർഷം മദാമ്മയുടെ ജീവിതത്തിന്റെ താളം തെറ്റിച്ചു. മകൻ മൈക്കിൾ അവസരം കിട്ടിയപ്പോൾ ഫ്രാൻസിലേക്കു കടന്നു. മകൾ എൽസി ചിത്രശലഭത്തെപ്പോലെ അവിടെ പാറി നടന്നു. ഫ്രഞ്ച് വംശജർ സ്വദേശത്തേക്കു മടങ്ങിയതോടെ നിത്യവൃത്തിക്കുപോലും നട്ടം തിരിയുന്ന നാട്ടുകാരുടെ മുന്നിൽ അച്ചന്റെ പഴഞ്ചൻ ജാലവിദ്യകൾ വില്ക്കപ്പെട്ടില്ല. മാഹി പഴയ മാഹിയല്ലാതായ കാര്യം അദ്ദേഹമറിഞ്ഞില്ല. ജീവിതം പട്ടിണിയിലേക്കു നീങ്ങുകയായിരുന്നു.

• രഘുവരൻ – അൽഫോൺസോ
• ശ്രീവിദ്യ – മാഗ്ഗി
• മാളവിക അവിനാശ് – എൽസി
• തിലകൻ
• വിനീത്
• സുധീഷ്
• രാജൻ പി. ദേവ്

1992-ലെ മികച്ച ചിത്രത്തിനുള്ള സംസ്ഥാന പുരസ്കാരവും മികച്ച നടി, മികച്ച തിരക്കഥ, മികച്ച വസ്ത്രാലങ്കാരം എന്നിവയ്ക്കുള്ള പുരസ്കാരങ്ങളും ഈ ചിത്രം നേടി.^[2] 1993-ലെ ഇന്ത്യൻ പനോരമയിലേക്ക് ഇത് തിരഞ്ഞെടുക്കപ്പെട്ടു. അതേ വർഷത്തെ 'പദ്മരാജൻ പുരസ്കാര'ത്തിൽ നല്ല ചിത്രത്തിനും തിരക്കഥയ്ക്കുമുള്ള അവാർഡ് നേടിയതും ദൈവത്തിന്റെ വികൃതികൾ ആണ്.

• ദൈവത്തിന്റെ വികൃതികൾ ഇന്റർനെറ്റ് മൂവി ഡാറ്റാബേസിൽ
• ദൈവത്തിന്റെ വികൃതികൾ – മലയാളസംഗീതം.ഇൻഫോ
• ദൈവത്തിന്റെ വികൃതികൾ – M3DB