നീലഗിരി മരപ്രാവ്

നിലഗിരി മരപ്രാവിന് കടും ചാര നിറത്തിൽ ഉള്ള ശരീരവും ചുവപ്പ് രാശി കലർന്ന തവിട്ടു നിറമുള്ള ചിറകുകളും ഉള്ളതായി കാണപ്പെടുന്നു. ഇവയുടെ തലയുടെ പുറകു ഭാഗത്തായി കാണുന്ന കറുപ്പും വെളുപ്പും കലർന്ന തൂവലുകൾ മറ്റു പ്രാവുകളിൽ നിന്നും ഇവയെ തിരിച്ചറിയാൻ സഹായിക്കുന്നു. ആൺ പക്ഷിയുടെ തല ഇളം ചാര നിറവും പെണ് പക്ഷിയുടെ തല കടും ചാര നിറത്തിലും കാണപ്പെടുന്നു. കൊക്കിന്റെ താഴ്ഭാഗവും കാലുകളും ചുവപ്പ് നിറമാണ്.

ആവാസവ്യവസ്ഥ

ഈ പക്ഷിവർഗ്ഗം പ്രധാനമായും പശ്ചിമ ഘട്ടങ്ങളിലും നിലഗിരി കുന്നുകളിലും ആണ് കണ്ടു വരുന്നത്. ഉയരമുള്ള പ്രദേശങ്ങൾ ഇഷ്ടപ്പെടുന്ന ഇവയെ അപൂർവമായി താഴ്ന്ന പ്രദേശങ്ങളിൽ വെച്ചും കണ്ടിട്ടുണ്ട്.