മലബാർ ഹിൽ

കേരളത്തിലെ വടക്കൻ മലബാറിൽ നിന്നുള്ള കേയി കുടുംബത്തിന്റെ സ്വന്തമായിരുന്നു ഈ പ്രദേശം എന്നൊരു അഭിപ്രായമുണ്ട്^[2]. പോർച്ചുഗീസുകാരുമായി നേരിട്ട് വ്യാപാരബന്ധമുണ്ടായിരുന്നു ഈ കുടുംബത്തിന് പിൽക്കാലത്ത് ഇത് ഈസ്റ്റ് ഇന്ത്യാ കമ്പനിയുടെ അധീനതയിലായി. ഇവിടെയുള്ള പ്രശസ്തമായ വാൾകേശ്വർ ക്ഷേത്രം സിൽഹാരാ രാജവംശം പണികഴിപ്പിച്ചതാണ്. യഥാർത്ഥക്ഷേത്രം പോർച്ചുഗീസുകാർ തകർക്കുകയുണ്ടായി. 1715-ൽ ഇത് പുനസ്ഥാപിക്കപ്പെട്ടു.^[3]. 1819-27 കാലഘട്ടത്തിൽ ബോംബേ ഗവർണ്ണർ ആയുരുന്ന മോൺസ്റ്റുവാർട്ട് എൽഫിൻസ്റ്റൺ ആണ് ഇവിടത്തെ ആദ്യ ബംഗ്ലാവ് പണിതീർത്തത്. പിന്നാലെ പല പ്രമുഖരും ഇവിടെ വസതികൾ തീർക്കുകയായിരുന്നു.