വൂപ്പർ അരയന്നം
വൂപ്പർ അരയന്നം (Whooper swan) (Cygnus cygnus) വടക്കൻ ഭൂഗോളാർദ്ധത്തിൽ കാണുന്ന ഏറ്റവും വലിയ പറക്കുന്ന ജലപക്ഷികളിലൊന്നായ അരയന്നമാണിത്. ഇവയുടെ വൂപ്പിംഗ് ശബ്ദം മറ്റുപക്ഷികളെക്കാൾ വലുതാണ്. [2]ഇതിന്റെ അടുത്തബന്ധുവായ യൂറേഷ്യയോടും വടക്കേ അമേരിക്കയോടും ചേർന്ന് കാണപ്പെടുന്ന ട്രംപെറ്റർ അരയന്നം സിഗ്നസ് ജീനസിൽപ്പെട്ടതാണ്. പക്ഷികളെക്കുറിച്ചുള്ള ശാസ്ത്രീയപഠനമായ ഓർണിത്തോളജിയിൽ1976-ൽ ഫ്രാൻസിസ് വില്ലബൈ, ജോൺ റേ എന്നിവർ സൂചിപ്പിച്ചിരിക്കുന്നത് ഈ അരയന്നം ദ എൽക് ഹൂപെർ അല്ലെങ്കിൽ വൈൽഡ് സ്വാൻ എന്നാണ്.[3] സയന്റിക് നാമമായ സിഗ്നസ് ലാറ്റിനിൽ സ്വാൻ എന്നാണ്.[4]
| വൂപ്പർ അരയന്നം | |
|---|---|
 | |
| Calls recorded in County Cork, Ireland | |
ശാസ്ത്രീയ വർഗ്ഗീകരണം  | |
| Domain: | Eukaryota |
| കിങ്ഡം: | Animalia |
| Phylum: | കോർഡേറ്റ |
| Class: | Aves |
| Order: | Anseriformes |
| Family: | Anatidae |
| Genus: | Cygnus |
| Species: | C. cygnus |
| Binomial name | |
| Cygnus cygnus (Linnaeus, 1758) | |
 | |
| Range of C. cygnus Breeding range Year-round range Wintering range | |
| Synonyms | |
Cygnus ferus | |
വൂപ്പർ അരയന്നം ഇന്ത്യൻ ഉപഭൂഖണ്ഡത്തിലെയും വടക്കേ അമേരിക്കയിലെയും വളരെ അപൂർവ്വ സന്ദർശകരാണ്. സ്കോട്ട് ലാന്റിലും, ഐർലാന്റിലും, നോർത്തേൻ ഇംഗ്ലണ്ടിലും, ഈസ്റ്റ് ആൻഗ്ലിയയുടെ വിവിധഭാഗങ്ങളിലും ഇതിനെ കണ്ടുവരുന്നു. [5]യൂറോപ്പിൽ വൂപ്പർ അരയന്നം ബഹുമാനിക്കപ്പെടുന്ന പക്ഷിയാണ്.[6] ഫിൻലാൻഡിലെ ദേശീയപക്ഷികൂടിയാണിത്.[7]
വിവരണം
വൂപ്പർ അരയന്നം ബെവിക്സ് അരയന്നവുമായി കാഴ്ചയിൽ സാമ്യം കാണിക്കുന്നു. സാധാരണ അരയന്നങ്ങളേക്കാൾ വലിപ്പമുള്ളവയാണിവ. മഞ്ഞ നിറമുള്ള ചുണ്ടിന്റെ അറ്റം കറുപ്പുനിറമാണ്. [8]തൂവെള്ള കഴുത്തും ചാരനിറത്തിൽ കുത്തും വരകളും നിറഞ്ഞ ചിറകുകളും ഇവയെ മറ്റു അരയന്നങ്ങളിൽ നിന്ന് വ്യത്യസ്തമാക്കുന്നു.നെഞ്ചിൽ നേരിയ തവിട്ടുനിറമുളള ഇവയുടെ അടിവയറും വാലിന്റെ അടിഭാഗവും വെളുപ്പുനിറത്തിലാണ്. മഞ്ഞക്കാലുകളിലെ വിരലുകൾ ചർമ്മം കൊണ്ട് ബന്ധിതങ്ങളാണ്. യങ് ബേർഡ്സിന് മങ്ങിയ നരച്ചതൂവലുകളാണുള്ളത്.[9] ഈ വർഗ്ഗക്കാർ കീടഭോജികളാണ്. യൂറോപ്പിൽ 25,300-32,800 ജോഡികളും, റഷ്യയിൽ10,000-100,000 ജോഡികളും കാണപ്പെടുന്നു. 2015-ലെ ബേർഡ് ലൈഫ് ഇന്റർനാഷണലിന്റെ കണക്കനുസരിച്ച് 50,600-65,500 പ്രായപൂർത്തിയായ വൂപ്പർ അരയന്നം കാണപ്പെടുന്നു.[10]
140–165 സെന്റിമീറ്റർ നീളമുള്ള ഇതിന്റെ ചിറകിന്റെ വിസ്താരം 205–275 സെന്റിമീറ്റർ ആണ്. ശരീരഭാരം ശരാശരി 7.4–14 കിലോഗ്രാമാണ്. ഇതിലെ പൂവന്റെ ഭാരം ശരാശരി 9.8–11.4 കിലോഗ്രാമും പിടയുടെ ഭാരം ശരാശരി 8.2–9.2 കിലോഗ്രാമും ആണ്. ഡെൻമാർക്കിലെ ഒരുപൂവന്റ റെക്കോർഡ് ഭാരം 15.5 കിലോഗ്രാം രേഖപ്പെടുത്തിയിട്ടുണ്ട്. ഏറ്റവും ഭാരം കൂടിയ പറക്കുന്ന പക്ഷിയായി ഇതിനെ കണക്കാക്കുന്നു.[11] [12] സ്റ്റാൻഡേർഡ് മെഷർമെന്റ് പ്രകാരം വിങ് കോർഡിന്റെ നീളം 56.2–63.5 സെന്റിമീറ്റർ (22.1–25.0 ഇഞ്ച്), ടാർസസ് 10.4–13 സെന്റിമീറ്റർ (4.1–5.1 ഇഞ്ച്), ചുണ്ടിന്റെ നീളം 9.2–11.6 സെന്റിമീറ്റർ (3.6–4.6 ഇഞ്ച്) ആണ്.[13]
പ്രജനനം
അഞ്ചു മുതൽ ഏഴുവരെ മുട്ടകളാണ് ഓരോ പ്രാവശ്യവും ഇടാറുള്ളത്. പച്ച കലർന്ന വെളുത്ത മുട്ടകളിൽ 40 ദിവസത്തോളം അടയിരുന്നതിനുശേഷമാണ് കുഞ്ഞുങ്ങൾ വിരിയുന്നത്. ആൺ അരയന്നം കൂടിനും ഇണയ്ക്കും കാവൽ നിൽക്കുന്നു.[14]
വൂപ്പർ അരയന്നം, റീജെൻസ് പാർക്ക്, ലണ്ടൻ, ഇംഗ്ലണ്ട്
വൂപ്പർ അരയന്നം, കിൽഫെനോറയ്ക്കടുത്ത്, കോ. ക്ലേർ, ഐർലാൻഡ്
യങ് വൂപ്പർ അരയന്നം കുസ്ഷാരോ തടാകം, ജപ്പാൻ
യങ് വൂപ്പർ അരയന്നം മാതാപിതാക്കളോടൊപ്പം, സ്റ്റാവിനോഗ കുളം പോളണ്ട്
സുനായുവിൽ വിശ്രമിക്കുന്ന വൂപ്പർ അരയന്നം ഓൺസെൻ കുസ്ഷാരോ തടാകം, ജപ്പാൻ
ഓറഞ്ച് ചുണ്ടുകളുള്ള മൂട്ട് അരയന്നം , കൂടെ മഞ്ഞ ചുണ്ടുകളുള്ള വൂപ്പർ അരയന്നം
_1.jpg)
അവലംബം
പുറത്തേയ്ക്കുള്ള കണ്ണികൾ
- Whooper Swan Page RSPB
- Cygnus cygnus in the Flickr: Field Guide Birds of the World
- {{{2}}} on Avibase
- BirdLife species factsheet for Cygnus cygnus
- {{{2}}} videos, photos, and sounds at the Internet Bird Collection
- വൂപ്പർ അരയന്നം photo gallery at VIREO (Drexel University)