കോർണേസീ

ഇവയുടെ ഇലകൾ ഞോട്ടോടുകൂടിയ ലഘുപത്രങ്ങളും തണ്ടിൽ അഭിന്യാസത്തിൽ‍ (opposite phyllotaxis) ക്രമീകരിക്കപ്പെട്ടതും, സിരാവിന്യാസം ജാലികാസിരാവിന്യാസത്തോടു കൂടിയവയും ആണ്. സദാപച്ചയായ ഇവയുടെ ഇലകൾക്ക് ഉപപർണ്ണങ്ങൾ ഉണ്ടാകാറില്ല. ദ്വിലിംഗ സ്വഭാവത്തോടു കൂടിയവ ഇവയുടെ പൂക്കൾ പൂങ്കുലകളായാണ് വിന്യസിച്ചിരിക്കുന്നത്. സാധാരണ ചെറിയപൂക്കളാണിവയ്ക്കുള്ളത്. ചില സ്പീഷിസുകളിൽ പൂങ്കുലയ്ക്ക് ചുറ്റും വലിയ, ദളങ്ങൾക്ക് സമാനമായ വെളുത്ത നിറത്തോടുകൂടിയ സഹപത്രങ്ങൾ കാണപ്പെടുന്നു. പൂക്കൾ പ്രസമത (കൃത്യം മൂന്നോ അതിൽ കൂടുതലോ ആയി വിഭജിക്കാവുന്ന-actinomorphy)പാലിക്കുന്നവയാണ്. ഇവയ്ക്ക് സാധാരണയായി അണ്ഡാശയത്തിനു മുകളിലായി വിന്യസിച്ചിരിക്കുന്ന 4 ദളങ്ങളും 4 വിദളങ്ങളുമാണുള്ളത്. ഇവയുടെ കേസരപുടത്തിൽ ഒരേ വലിപ്പത്തിലുള്ള 4-15 കേസരങ്ങളാണുള്ളത്. മിക്ക സ്പീഷിസുകളിലും 2 ജനിപർണ്ണങ്ങൾ (carpel) കൂടിച്ചേർന്നതാണ് ജനിപുടം (gynoecium). വിരളം ചില സ്പീഷിസുകളിൽ 1, 3, 4 പൂഷ്പജനികൾ കൂടിച്ചേർന്നാണ് ജനിപുടം ഉണ്ടാകുന്നത്. ഇവയ്ക്ക് 4 അറകളോടുകൂടിയ ഉയർന്ന അണ്ഡാശയങ്ങളാണുള്ളത്. ഇവയുടെ പഴങ്ങൾ അകത്തു ഒരു വിത്തോടുകൂടിയ മാംസളമായതാണ്.^[1]ചില സ്പീഷിസുകൾ ഔഷധ ഗുണമുള്ളവയാണ് (ഉദാ. അങ്കോലം)

• Alangium
• Camptotheca
• Chamaepericlymenum
• Cornus
• Davidia
• Diplopanax
• Mastixia
• Nyssa
• Swida
• Toricellia^[2]

• 
  അങ്കോലം, തൃശ്ശൂരിൽ
• 
  മട്ടിപ്പാൽ

• Cornaceae on the Angiosperm Phylogeny Website of the Missouri Botanical Garden

വിക്കിസ്പീഷിസിൽ Cornaceae എന്നതുമായി ബന്ധപ്പെട്ട കൂടുതൽ വിവരങ്ങൾ ലഭ്യമാണ്.

Cornaceae എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.