ജോവാൻ വുഡ്വാർഡ്

1930 ഫെബ്രുവരി 27 ന് എലീനറുടേയും (മുമ്പ്, ട്രിമ്മിയർ) ചാൾസ് സ്ക്രിബ്നേർസ് ആൻറ് സൺസ് എന്ന പ്രസാധക കമ്പനിയുടെ വൈസ് പ്രസിഡൻറായിരുന്ന വേഡ് വുഡ്വാർഡ് ജൂനിയറിൻറേയും പുത്രിയായി ജോർജിയയിലെ തോമസ്വില്ലെയിൽ ജോവാൻ ഗിഗ്നില്ല്യറ്റ് ട്രിമ്മർ വുഡ്വാർഡ് ജനിച്ചു.^[1][2] അവരുടെ മധ്യനാമവും കുടുംബനാമവും "ജിഗ്നില്ലിയറ്റ് ട്രിമ്മിയർ" ഉത്ഭവം ആണ്.^[3] സിനിമകളോടുള്ള അവരുടെ മാതാവിൻറെ അഭിനിവേഷത്തിൽനിന്നാണ് ജോവാൻ അഭിനയരംഗത്തേയ്ക്ക് ആകൃഷ്ടയാകുന്നത്.^[4] അമേരിക്കൻ നടിയായിരുന്ന ജോവാൻ ക്രോഫോർഡിൻറെ പേരിലെ ജോവാൻ എന്ന ഭാഗമാണ് അവരുടെ മാതാവ് പുത്രിക്കായി കണ്ടെത്തിയത്.^[5] ജോർജിയയിലെ അറ്റ്ലാൻറായിൽ ഗോൺ വിത്ത് ദ വിൻറ് (1939) എന്ന ചിത്രത്തിൻറെ ആദ്യാവതരണസമയത്ത് ക്ഷണിക്കപ്പെട്ട സിനിമാതാരങ്ങളുടെ നിരയിൽ സന്നിഹിതനായിരുന്ന, നടി വിവിയൻ ലെയ്ഗിൻറെ പങ്കാളിയും ഭാവി ഭർത്താവുമായിരുന്ന ലോറൻസ് ഒലിവറിൻറെ മടിയിൽ ഒൻപതു വയസുകാരിയായ ജോവാൻ ചെന്നിരിക്കുകയും അദ്ദേഹത്തിൻറെ ശ്രദ്ധ നേടിയെടുക്കുകയും ചെയ്തു. ഒടുവിൽ അവർ ഒലിവിയറിനൊപ്പം 1977 ൽ കം ബാക്ക്, ലിറ്റിൽ ശേബ എന്ന ഒരു ടെലിവിഷൻ വീഡിയോയുടെ നിർമ്മാണത്തിൽ പ്രവർത്തിച്ചിരുന്നു. റിഹേഴ്സലുകളുടെ സമയത്ത്, പഴയ സംഭവം അവർ ഒലിവറിനെ ഓർമ്മപ്പെടുത്തുകയും അദ്ദേഹം അത് ഓർമ്മയിൽനിന്നു ചികഞ്ഞെടുക്കുകയും ചെയ്തു.^[6]