വിക്കിവാൻഡ്

ലിയോർ ഗ്രോസ്മാൻ(Lior Grossman), ഇലൻ ലെവിൻ(Ilan Lewin) എന്നിവർ ചേർന്ന് 2014ലാണ് വിക്കിവാൻഡ് നിർമ്മിച്ചിറക്കിയത്. ഈ സോഫ്റ്റ് വെയർ നിർമ്മിക്കാനുണ്ടായ കാരണത്തെക്കുറിച്ച് ഗ്രോസ്മാൻ ഇപ്രകാരം പറയുന്നു.

ലോകത്തിൽ ഏറ്റവും അധിക സന്ദർശിക്കപ്പെടുന്ന വെബ്സൈറ്റുകളിൽ അഞ്ചാം സ്ഥാനവും, അമ്പത് കോടിയിലധികം ആളുകൾ സന്ദർശിക്കുന്നതുമായ വെബ് സൈറ്റാണ് വിക്കിപീഡിയ. എന്നിട്ടും ഈ സൈറ്റിന്റെ കെട്ടിനും മട്ടിനും ഒരു പതിറ്റാണ്ടിലേറേയായിട്ടും ഒരു മാറ്റവും വരുത്തിയിട്ടില്ല എന്നത് ഞങ്ങൾക്ക് കൗതുകരമായി തോന്നുന്നു. തിങ്ങിനിരങ്ങിയും, കുത്തിനിറച്ചത് പോലെയും, വായിക്കാൻ ദുർഗ്രഹമായ ചെറിയ അക്ഷരവിന്യാസവും തീരെ ഉപയോക്ത സൗഹൃദമല്ലാത്തതുമായ സജ്ജീകരണങ്ങളും കൊണ്ട് നിറഞ്ഞിരിക്കുന്നതാണ് ഇപ്പോഴത്തെ സൈറ്റ് ^[1].

2015 മാർച്ചിൽ, ഐഫോൺ, ഐപാഡ് എന്നിവയ്ക്കായി വിക്കിവാൻഡ് ഒരു ഐഒഎസ് ആപ്ലിക്കേഷൻ പുറത്തിറക്കി.^[2]

2020 ഫെബ്രുവരിയിൽ, ഒരു ആൻഡ്രോയിഡ് ആപ്പ് വികസിപ്പിക്കുകയായിരുന്നു.^[3]

2021-ൽ, ഒരു വിക്കിവാൻഡ് പേജ് സന്ദർശിക്കുന്നത് സന്ദർശകൻ്റെ ഉപകരണത്തിൽ നൂറുകണക്കിന് അഭ്യർത്ഥനകളും നിരവധി മെഗാബൈറ്റ് ഡാറ്റയും പരസ്യദാതാക്കളുമായി കൈമാറ്റം ചെയ്യാൻ ഇടയാക്കി.^[4]

2023 ജനുവരി 12-ന്, വേർഡ്‌ട്യൂൺ റീഡുമായി സഹകരിച്ച് ടെക്‌സ്‌റ്റ്-ടു-സ്പീച്ച്, എഐ - ജനറേറ്റഡ് സംമ്മറീസ് എന്നിവ പോലുള്ള പുതിയ ഫീച്ചറുകളും ഓവർഹോൾ ചെയ്ത ഇൻ്റർഫേസും സഹിതം വിക്കിവാൻഡ് 2.0 ഔദ്യോഗികമായി സമാരംഭിച്ചു.^[5]മാർച്ച് 1-ന്, എല്ലാ ലേഖനങ്ങളുടെയും മുകളിൽ ജിപിടി-3(GPT-3)-യിൽ അധിഷ്ഠിതമായ ഒരു ചോദ്യോത്തര ഫീച്ചർ ചേർത്തു.^[6]

1. ക്രോം
2. സഫാരി
3. ഫൈയർഫോക്സ്
4. വിക്കിവാൻഡിന്റെ വെബ്സൈറ്റിലൂടെയും

വിക്കിവാൻഡ് ലഭിക്കുന്നു.ഐ ഫോൺ, ഐപാഡ് ആപ്പുകൾ ആയും 2015 മുതൽക്ക് വിക്കിവാൻഡ് ലഭിക്കുന്നു.

ആറു ലക്ഷം ഡോളർ വിക്കിവാൻഡിനു സഹായ ധനമായി ലഭിച്ചു കഴിഞ്ഞു. ലാഭത്തിന്റെ 30% വിക്കിമീഡിയ ഫൗണ്ടേഷനു സംഭാവന ചെയ്യുന്നതായിരിക്കുമെന്ന് പ്രഖ്യാപിച്ചിരിക്കുകയാണ് നടത്തിപ്പുകാർ.^[1][7][8] ഇത് ലഭ്യമാണ്