Полимер

Полимер (Грек poly-, "олон" + -mer, "хэсэг"), олон тооны дэд нэгжүүдээс тогтох том молекул эсвэл макромолекул. Полимерүүд нь маш өргөн хүрээний шинж чанаруудыг агуулдаг тул,^[2] зохиомол ба байгалийн полимерүүдийн аль аль нь өдөр тутмын амьдралын бүхий л зүйлд маш чухал үүргүүдийг гүйцэтгэдэг.^[3] Олны танил нийлэг (синтетик) хуванцар болох полистиролоос (хөөсөнцөр) эхлээд, биологийн бүтэц ба үүргүүдийн үндэс болох ДНХ, уураг гэх мэт байгалийн биополимерууд бүгд полимер нэгдлүүд юм. Нийлэг ба байгалийн бүхий л полимерууд нь мономер гэж нэрлэгдэх олон жижиг молекулуудаас полимеризац гэдэг процессийн үр дүнд үүсдэг.