Поп хөгжим
Поп хөгжим (англи: pop music буюу popular music гэсэн үгнээс гаралтай) -20-р зууны 2-р хагас - 21-р зууны эхэн үеийн хөгжмийн төрөл бүрийн хэлбэр, хэв маягийг хамарсан олон нийтийн соёл болох хөнгөн хөгжмийн урсгал юм.
Поп хөгжмийн гол онцлог нь энгийн хөгжмийн зэмсэг ашиглан, хэмнэл, дуу хоолойд онцгой ач холбогдол өгдөг байна. Поп хөгжмийн зохиолын гол үндсэн тогтоц нь ая дуу юм.
Поп хөгжим дотор к-поп, евро-поп, латин, синти-поп буюу техно-поп, диско бүжгийн хөгжим гэх мэт дэд жанр төрлүүд багтдаг.
«Рop song» гэсэн нэр томъёог анх 1926 онд англи хэл дээр ашигласан боловч поп хөгжмийн үндэс нь гүнзгий түүхтэй. Поп хөгжмийн өмнөх үе нь ардын хөгжим, гудамжны романс, туулиуд байсан гэж үздэг.
Орчин үеийн поп хөгжим нь рок хөгжим гэх мэт бусад төрлүүдтэй зэрэгцэн үүссэн бөгөөд тэдгээрээс тэр бүр ялгаж салгаж чаддаггүй байсан.
1970-аад онд Поп хөгжимд ABBA, Boney M, Dschinghis Khan, Bee Gees зэрэг хамтлагууд гарч ирж ихээхэн үсрэлт гарсан. Энэ үеэс бүжгийн хөгжим (dance music) поп хөгжмийн гол чиглэл болсон.