टेक्सास गायकवाड
टेक्सास भाऊसाहेब गायकवाड (जन्म १९४८) हे प्रसिद्ध नाटककार, दिग्दर्शक, लेखक, कलावंत आहेत. आम्ही देशाचे मारेकरी[१] हे त्यांचे गाजलेले नाटक. हिंदी व मराठी रंगभूमीवर त्यांनी आपला ठसा उमटवला आहे. सुख की दौलत[२] हा हिंदी चित्रपट त्यांनी दिग्दर्शित केला आहे. २०१४ च्या लोकसभा निवडणुकीमध्ये बहुजन समाज पार्टी या राष्ट्रीय पक्षाचे उमेदवार म्हणून त्यांनी निवडणूक लढवली होती[३].
| टेक्सास गायकवाड | |
|---|---|
| जन्म | कुंभारवळण, तालुका पुरंदर, जिल्हा पुणे |
| राष्ट्रीयत्व | भारतीय |
| कार्यक्षेत्र | अभिनय |
| भाषा | मराठी |
| शिक्षण | बी. कॉम.; एल एल बी |
| प्रमुख नाटके | आम्ही देशाचे मारेकरी |
| प्रमुख चित्रपट | सुख की दौलत |
| वडील | भाऊसाहेब गायकवाड |
कार्य
टेक्सास गायकवाड यांनी कार्यकर्ता कलावंत म्हणून दलित रंगभूमी आणि प्रबुद्ध रंगभूमीस भरीव योगदान दिलेले आहे[४]. प्रबोधनात्मक नाट्य निर्मिती करून त्यांनी समाजात समता, स्वातंत्र्य व भ्रातृभाव ही संविधानिक मूल्य रुजवण्याचा प्रयत्न केला..
नाटके
- ॲट्रॉसिटी
- आम्ही देशाचे मारेकरी
- जळवा
- प्रबुद्ध जलसे (नवा इतिहास)
- ब्रह्महत्या
- मन्वंतर
- मानदंड
- माफीनायक
- रंग आंधळे
- सूर्योदय
दिग्दर्शित नाटके
आखरी जाम (उर्दू), काळोखाच्या गर्भात, घाशीराम कोतवाल (हिंदी), थॅंक्यू मि. ग्लाड (हिंदी), नटसम्राट (मराठी), फेअरवेल टू बॅबिलोन (सहदिग्दर्शन, इंग्लिश- द आफ्रिकन थिएटर ग्रुप सोबत केलेले), मनुकलंक (खैरलांजी हत्याकांडावर आधारित नाट्य.)