ဝီကီပီးဒီးယား:ထင်ရှားအရေးပါမှု (လူပုဂ္ဂိုလ်များ)
| ထင်ရှားအရေးပါမှု |
|---|
| သီးခြား လမ်းညွှန်ချက်များ |
|
ဝီကီပီးဒီးယားတွင် ထင်ရှားအရေးပါမှုသည် တည်းဖြတ်သူများအား အကြောင်းအရာတစ်ခုသည် ယင်း၏ကိုယ်ပိုင်ဆောင်းပါးအတွက် ခိုင်လုံစေခြင်းရှိမရှိ ဆုံးဖြတ်ရာတွင် အသုံးပြုသော စမ်းသပ်မှုတစ်ခု ဖြစ်သည်။ လူပုဂ္ဂိုလ်များအတွက် အတ္ထုပ္ပတ္တိဆောင်းပါးတစ်ခုသည် "ထိုက်တန်ခြင်း"[၁] သို့မဟုတ် "အလေးထားဂရုပြုခြင်း"[၂] ရှိရမည် ဖြစ်သည်။ ဆိုလိုသည်မှာ အဆိုပါလူပုဂ္ဂိုလ်၏ ဘဝအကြောင်း ဝီကီပီးဒီးယားတွင် ရေးသားမှတ်တမ်းတင်ရာတွင် "မှတ်သားလောက်ဖွယ်ရာ"[၂] သို့မဟုတ် "သိသာထင်ရှားသော၊ အရေးပါအရာရောက်သော၊ စိတ်ဝင်စားဖွယ်ရာ" ရှိရမည် ဖြစ်သည်။[၁]
အခြေခံသတ်မှတ်ချက်များ
လူပုဂ္ဂိုလ်များသည် ယင်းတို့အကြောင်းဖော်ပြထားသော စိတ်ချယုံကြည်ရပြီး ပုဂ္ဂိုလ်ရေးရာ ကင်းလွတ်သော[၃][၄] 'ထုတ်ဝေဖြန့်ချိပြီးဖြစ်သည့် ဒုတိယရင်းမြစ်များ[၅]တွင် သိသာထင်ရှားစွာ လွှမ်းခြုံဖော်ပြနိုင်ခြင်းရှိလျှင် ထင်ရှားအရေးပါမှုရှိသည်ဟု မှတ်ယူသည်။
- ကိုးကားထားသော မည်သည့်ရင်းမြစ်တွင်မှ လွှမ်းခြုံဖော်ပြနိုင်လောက်အောင် မည်မည်ရရ မရှိပါက လွတ်လပ်သော ရင်းမြစ်များစွာကို ပူးပေါင်းကာ ထင်ရှားအရေးပါမှုကို ပုံဖော်ပြနိုင်သည်။[၆]
- ပင်မရင်းမြစ်များကို ဆောင်းပါးတစ်ခုရှိ အကြောင်းအရာကို ထောက်ပံရန် အသုံးပြုကောင်း အသုံးပြုနိုင်သော်လည်း ယင်းတို့သည် အကြောင်းအရာ၏ ထင်ရှားအရေးပါမှုကို သက်သေသာဓကပြရာတွင် ပံ့ပိုးနိုင်ခြင်း မရှိပေ။
အခြေခံသတ်မှတ်ချက်များနှင့် ကိုက်ညီသော လူပုဂ္ဂိုလ်များကို အောက်ပါ ထပ်ဆောင်းသတ်မှတ်ချက်များနှင့် ကိုက်ညီမှုရှိမရှိ ထည့်သွင်းမဆုံးဖြတ်ဘဲနှင့် ထင်ရှားအရေးပါမှုရှိသည်ဟု မှတ်ယူနိုင်သည်။ ဖြစ်ရပ်တစ်ခုတည်းအတွက်သာ ထင်ရှားအရေးပါနေသော သို့မဟုတ် Wikipedia:ဝီကီပီးဒီးယားက ဘာမဟုတ်ဘူးလဲတွင် ဖော်ပြထားသည်များကဲ့သို့သော ချန်လှပ်ထားသော သတ်မှတ်ချက်များတွင် ပါဝင်နေသော ပုဂ္ဂိုလ်များအတွက် ဆောင်းပါးများကို ဖန်တီးပေးရမည် မဟုတ်ပေ။
ထပ်ဆောင်းသတ်မှတ်ချက်များ
အောက်ပါ စံသတ်မှတ်ချက်များတစ်ခုခုနှင့် ကိုက်ညီနေပါက လူပုဂ္ဂိုလ်များကို ထင်ရှားအရေးပါသည် ဟု ယူဆနိုင်သည်။ အဆိုပါ သတ်မှတ်ချက်များနှင့် ကိုက်ညီမှုမရှိခဲ့ပါက အကြောင်းအရာတစ်ခုသည် မပါဝင်သင့်ဟူသော ခိုင်မာသည့် သက်သေ မဟုတ်သလို အပြန်အလှန်အားဖြင့် သတ်မှတ်ချက် တစ်ခုသို့မဟုတ် တစ်ခုထက်ပို၍ ကိုက်ညီနေခြင်းသည်လည်း အကြောင်းအရာတစ်ခုအား ပါဝင်သင့်သည်ဟု အာမခံချက် မပေးထားပါ။
အောက်ပါ ထပ်ဆောင်းသတ်မှတ်ချက်များနှင့် မညီသည့် လူပုဂ္ဂိုလ်တစ်ဦးသည် Wikipedia:ထင်ရှားအရေးပါမှုအရ ထင်ရှားအရေးပါနေနိုင်သည်။ တည်းဖြတ်သူများအနေဖြင့် အောက်ပါ သတ်မှတ်ချက်များကို သိနားလည်နေခြင်းဖြင့် ဆောင်းပါးတစ်ခုအား ထပ်ဆောင်းကိုးကားချက် လိုအပ်နေခြင်း၊ သို့မဟုတ် ဖျက်ပစ်ရန် ဆွေးနွေးခြင်းတစ်ခုကို စတင်ခြင်း စသည်တို့ကို ဆုံးဖြတ်ရာတွင် အထောက်အကူရနိုင်သည်။
မည်သည့် အတ္ထုပ္ပတ္တိမဆို
- လူပုဂ္ဂိုလ်တစ်ဦးတစ်ယောက်သည် လူသိများပြီး ထင်ရှားသည့် ဆုတံဆိပ် သို့မဟုတ် ဂုဏ်ပြုမှု ရရှိခြင်း သို့မဟုတ် အဆိုပါ ဆုအတွက် ကြိမ်ဖန်များစွာ အဆိုပြုခြင်းခံရခြင်း
- လူပုဂ္ဂိုလ်တစ်ဦးတစ်ယောက်သည် သူ/သူမ၏ သက်ဆိုင်ရာနယ်ပယ်တွင် သမိုင်းမှတ်တမ်းတလျောက် ကျယ်ပြန့်သိသာသော အသိအမှတ်ပြု ပါဝင်ပံ့ပိုးမှုများ ရှိခဲ့ခြင်း[၇]
- လူပုဂ္ဂိုလ်တစ်ဦးတစ်ယောက်သည် အမျိုးသားအတ္ထုပ္ပတ္တိအဘိဓာန် သို့မဟုတ် ယင်းကဲ့သို့သော ထုတ်ဝေမှုတွင် ထည့်သွင်းဖော်ပြခြင်း ခံရခြင်း
ပညာရပ်ဆိုင်ရာ လူပုဂ္ဂိုလ်များ
သိပ္ပံပညာရှင်များ၊ သုတေသနပညာရှင်များ၊ ဒဿနပညာရှင်များနှင့် အခြားသော ပညာရှင်များသည် သူတို့၏ အတ္ထုပ္ပတ္တိသည် ဒုတိယရင်းမြစ်များတွင် ပင်မအကြောင်းအရာဖြစ် ဟုတ်မနေသော်လည်း သူတို့သည် ကမ္ဘာတစ်ဝှမ်းတွင် ထင်ရှားကျော်ကြားသူများ ဖြစ်ပါက ထင်ရှားအရေးပါသည်ဟု သတ်မှတ်သည်။
ဖန်တီးမှု ကျွမ်းကျင်ပညာရှင်များ
စာရေးသူများ၊ တည်းဖြတ်သူများ၊ ဂျာနယ်လစ်များ၊ ရုပ်ရှင်ဖန်တီးသူများ၊ ဓာတ်ပုံဆရာများ၊ ပန်းချီဆရာများ၊ ဗိသုကာရှင်များနှင့် အခြားသော ဖန်တီးမှု ကျွမ်းကျင်အနုပညာရှင်များ
- လူပုဂ္ဂိုလ်အား အရေးပါသူ တစ်ဦးအဖြစ် ခတ်ပြိုင်တန်းတူပညာရှင်များ သို့မဟုတ် အောင်မြင်သူများက အသိအမှတ်ပြုကြခြင်း
- ထင်ရှားသော အယူအဆသစ်၊ သီအိုရီသစ်၊ သို့မဟုတ် နည်းပညာသစ်တစ်ခုခုကို စတင်ခဲ့သူဖြစ်ခြင်း
- ထင်ရှားသော သို့မဟုတ် လူသိများသော ဖန်တီးမှုတစ်ခုခုကို ဖန်တီးခဲ့သူဖြစ်ခြင်း သို့မဟုတ် အဓိက အများဆုံးဖန်တီးသူဖြစ်ခြင်း။ ထပ်ဆောင်းအနေဖြင့် အဆိုပါ ဖန်တီးမှုသည် လွတ်လပ်ပြီး ထင်ရှားသော ဖန်တီးမှုတစ်ခုခု (ဥပမာ စာအုပ်၊ ရုပ်ရှင်၊ ရုပ်သံစီးရီးများ၊ သို့သော် ရုပ်သံစီးရီး၏ အပိုင်းတစ်ခုထဲတွင် မဟုတ်ရ) ၏ ပင်မအကြောင်းအရာအဖြစ် ပါဝင်ခြင်း၊ သို့မဟုတ် ဆောင်းပါးဆက်များ သို့မဟုတ် သုံးသပ်ချက်များစွာတွင် ပါဝင်ခြင်း ရှိရမည်။
- လူပုဂ္ဂိုလ်၏ ဖန်တီးမှုလက်ရာ (သို့မဟုတ် လက်ရာများ)သည် (က) ထင်ရှားသော အထိမ်းအမှတ် တစ်ခုခု ဖြစ်ခြင်း၊ (ခ) ထင်ရှားသော ပြပွဲတစ်ခုခုတွင် အမြောက်အများ ပါဝင်ခြင်း၊ (ဂ) အများအပြား အာရုံစိုက်မှု ခံရခြင်း (ဃ) များစွာသော ထင်ရှားသည့် ပြခန်းများ သို့မဟုတ် ပြတိုက်များ၏ စုဆောင်းမှုများတွင် ကိုယ်စားပြုခံရခြင်း ရှိရမည်။