Fleet (hoochdüütsch Flethe) weer en Dörp, dat an dat Över von de Werser dicht bi Blomendal legen hett. De Oort hett to dat Amt Blomendal tohöört.
Fleet leeg an dat Fleet Donau, dat de Bahrsplaat von de Werser aftrennen dee. De Naam Donau kummt wohrschienlich von Dode Au. In dat 19. Johrhunnert is dat Dörp jümmer mehr mit Blomendal tohoopwussen. 1862 is de Gemeen Fleet denn oplööst un Deel von de Gemeen Blomendal worrn.
In de Franzosentied von 1810 bet 1814 hett de Oort to de Mairie Blomendal in’n Kanton Vesack höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
| Johr | Inwahners |
|---|---|
| 1793-00-001793[1] | 10 Füürsteden |
| 1812-00-001812[2] | 327 |
| 1824-00-001824[3] | 63 Füürsteden |
| 1848-00-001848[4] | 587 Lüüd, 73 Hüüs |
Fleet is evangeelsch-reformeert präägt un höört to dat Kaspel von de Kark in Blomendal.
Von 1840 bet 1865 hett de Maschinenfabrik J. Frerichs & Co in Fleet seten, is denn aver na Oosterholt tagen.
De Polarforscher Eduard Dallmann is 1830 in Fleet boren.