Stanley Benjamin Prusiner
Stanley Benjamin Prusiner (* 28. Mai 1942 in Des Moines, Iowa) is en US-amerikaansch Biochemiker un Neuroloog, de 1997 för dat Opdecken vun de Prionen, en neeaardig Klass vun Krankheitserregern, mit den Nobelpries för Physiologie oder Medizin uttekent wurr.
Leven
Prusiner hett Chemie un Medizin an de University of Pennsylvania studeert. Sien eerst klinische Tätigkeit as Dokter führ hüm 1968 an de University of California, San Francisco. He hett dor sien Tätigkeit ünnerbraken, um för dree Johr in den National Institutes of Health (NIH) in Bethesda (Maryland) över Escherichia coli to forschen. Ansluutend hett he sien neurologisch Utbillen in San Francisco fortsett. Siet 1974 is Prusiner Perfesser för Neurologie an de University of California, San Francisco. 1976 kreeg he en Forschungsstipendium vun de Alfred P. Sloan Foundation (Sloan Research Fellowship).
Siet 1983 gifft Prusiner tosätzlich Virologie-Ünnerricht an de University of California, Berkeley, wo he ok in de Alzheimer-Forschung tätig weer, siet 1988 ok Biochemie an der University of California, San Francisco.
De Bedüüden vun Prusiner sien Forschungsleistung (Opdecken vun de vun hüm so nöömt Prionen) liggt in Opklärungsversöök vun de Oorsaken vun en Reeg vun seltener verwandter Infektschons- un Arvkrankheiten, de Prionkrankheiten. Dorto tellen de Creutzfeldt-Jakob-Krankheit (inkl. De nee Variante vCJD), Kuru, de tödliche familiäre Slaaplosigkeit, dat Gerstmann-Sträussler-Scheinker-Syndrom, BSE un Scrapie. Prusiner hett, utgahnd vun sien 1972 anfungen Forschungen[1] all 1982 up de Bedüüden vun de Prionen henwiest, wurr aber tonächst weder hörrt noch beacht. Dat hett denn noch över teihn Johr düert, bit sück sien Ansicht ok in de Fackwelt mehrheitlich dörsetten dee.
Ehrungen (Uttoog)
- 1992: Max-Planck-Forschungspries (gemeensam mit Detlev Riesner)
- 1992: Liddmaat vun de National Academy of Sciences
- 1993: Gairdner Foundation International Award
- 1993: Liddmaat vun de American Academy of Arts and Sciences
- 1993: Richard Lounsbery Award
- 1994: Albert Lasker Award for Basic Medical Research
- 1995: Paul-Ehrlich-un-Ludwig-Darmstaedter-Pries
- 1995: Pasarow Award
- 1996: Keio Medical Science Prize
- 1997 Prix Charles-Léopold Mayer-Pries
- 1997: Louisa-Gross-Horwitz-Pries
- 1997: Zülch-Pries
- 1998: Liddmaat vun de American Philosophical Society
- 2010: National Medal of Science
Literatur
- Gisela Baumgart: Prusiner, Stanely Ben. In: Werner E. Gerabek, Bernhard D. Haage, Gundolf Keil, Wolfgang Wegner (Hrsg.): Enzyklopädie Medizingeschichte. De Gruyter, Berlin/ New York 2005, ISBN 3-11-015714-4, S. 1188.
Weblinks
Stanley Benjamin Prusiner. Mehr Biller, Videos oder Audiodateien to’t Thema gifft dat bi Wikimedia Commons.