सिमा

सिमा धाःगु सि सइगु व आपालं स्वां ह्वइगु छगू पेरेनियल मा ख। आपालं सिमाय् बुँइ छपु मू दँ दइ धाःसा बुँस्वया च्वे दं यक्व कचाय् बाया वनि व कचाय् हः सया वइ।^[१] सिमाया म्हो धिकःयात छुं च्वमितयेसं निर्धारित याना ३ मि^[२] निसें ६ मि;^[३] तक्कया मा व मेमेपिं च्वमितयेसं म्होय् १० सेमि दंया व्यास (३० सेमि गर्थ) दूगु मायात सिमा धाइगु याःसां सकसितं पाय्‌छि जुइगु आकार कथंया सिमाया परिभाषा मलुनि।^[४] सिं दूगु तर सिमाया परिभाषाय् मलाइगु मायात स्वाँमा धाइ। मेमेगु मा स्वया सिमा यक्व म्वाइगु (छुं सिमा द्वलंद्व दँ तक्क म्वा), तःधिक जुइगु (११५ मिटर वा ३७९ फिट तक्क तज्जाःगु) या। ^[५]