Beit Liqya
Beit Liqya (arabisk بيت لقيا) er ein palestinsk by som ligg i Ramallah og al-Bireh guvernement nord på Vestbreidda, 21 kilometer sørvest for Ramallah. I følgje Palestinsk statistisk sentralbyrå hadde han eit folketal på kring 7 710 i 2007.[2]
Beit Liqya | |||
بيت لقيا, Bayt Liqya | |||
kommune | |||
Namneopphav: Likiahuset[1] | |||
Land | Dei palestinske territoria | ||
---|---|---|---|
Guvernement | Ramallah og al-Bireh guvernement | ||
Koordinatar | 31°52′09″N 35°04′01″E / 31.86917°N 35.06694°E | ||
Folketal | 11 500 (2011) | ||
Borgarmeister | Khaled Badr | ||
Beit Liqya 31°52′09″N 35°04′01″E / 31.869166666667°N 35.066944444444°E | |||
Wikimedia Commons: Beit Liqya | |||
Historie
Beit Liqya, vart som resten av Palestina, ein del av Det osmanske riket in1517, og i 1557 vart inntekter frå landsbyen gjeven til ein ny waqf i Hasseki Sultan Imaret i Jerusalem, oppretta av hasseki Hurrem Sultan (Roxelana), kona til Suleiman den store.[3]
Den franske oppdagaren Victor Guérin vitja landsbyen i 1863, og estimerte at han hadde kring 500 innbyggjarar. Han nemnte òg ein wali for ein sjeik Abou Ismail.[4] I 1883 skildra Palestine Exploration Fund i Survey of Western Palestine Beit Likia som ein «liten landsby langs hovudvegen ved foten av åsane, forsynt av cisterner. Det ligg eldgamle tufter mellom husa.»[5]
I ei folketeljing i 1922 utført av Dei britiske mandatstyresmaktene hadde hadde Beit Leqia eit folketal på 739, alle muslimar,[6] dette auka i folketeljinga i 1931, då Beit Liqya hadde 209 busette hus og eit folketal på 858, framleis alle muslimar.[7]
I 1945 var folketalet 1 040, alle arabarar, medan det samla landarealet var 14 358 mål, i følgje ei offisiell landmåling.[8] Av dette var 1 918 for plantasjar og irrigert land, 6 469 for korn,[9] medan 39 mål var klassifisert som utbygde område.[10]