James Taylor and the Original Flying Machine

Songane på albumet vart spelt inn med Taylor sitt band The Flying Machine i ein tretimars sesjon seint i 1966 i Select Sound Studios i New York City.^[5] Dei vart produserte av Chip Taylor, som hadde vore involvert i nokre nyare pophittar, og Al Gorgoni, som òg spelte cembalo på innspelinga.^[5] Gruppa følte at dei resulterande spora berre var av demokvalitet.^[5] Etter at «Night Owl» (med «Brighten Your Night with My Day») vart gjeven ut som ein mislykka singel av Jay Gee Records, eit dotterselskap av Jubilee Records, vart det ikkje arbeidd vidare med ei albumutgjeving.^[5]

Taylor signerte deretter med Apple Records, mislykkast kommersielt igjen, men vart deretter ein stor suksess med Warner Bros. Records på Sweet Baby James i 1970 og Mud Slide Slim and the Blue Horizon i 1971. Euphoria Records gav deretter ut innspelingane under namnet The Original Flying Machine, for å skilja gruppa frå det britiske The Flying Machine som hadde dukka opp i 1969 med hitlåten «Smile a Little Smile for Me». Det utgjevne albumet hadde beskjeden suksess med å utnytte ryet til Taylor, og nådde 74. plassen på den amerikanske popalbumlista. Flying Machine-medlemmen Danny Kortchmar var ikkje nøgd og sa: «Dei involverte ville ikkje betala for eit heilt album med James sine songar [i 1967]. Så det verka forferdeleg mange år seinare då dei same folka gav ut albumet Flying Machine med dei få sesjonane.»

Sesjonane vart gjevne ut på ny av Gadfly Records, med ekstra korte introar og to remiksar, i 1996.^[6][7]

Alle songar er skrivne av James Taylor utanom der andre er nemnde.

The Flying Machine

• James Taylor — gitar, vokal
• Danny Kortchmar — gitar, vokal
• Zachary Wiesner — bass
• Joel O'Brien — trommer

Andre musikarar

• Al Gorgoni — cembalo

Produksjon

• Lydteknikarar: Wally Sheffey, Eddie Youngblood

Album