Leon «Ndugu» Chancler

Leon «Ndugu» Chancler (fødd 1. juli 1952) er ein jazzfunk-trommeslagar, perkusjonist, studiomusikar, komponist og produsent frå Louisiana i USA.

Leon «Ndugu» Chancler
Fødd	1. juli 1952 (71 år)
Fødestad	Shreveport i Louisiana i USA
Dødsstad	Los Angeles
Opphav	USA
Aktiv	1965 til i dag
Sjanger	Jazz, jazzfusion, pop, blues, funk
Instrument	Trommer, perkusjon, synthesizerar
Tilknytte artistar	Weather Report
Verka som	Musikar, låtskrivar, produsent, lærar

Chancler kom frå Shreveport i Louisiana og byrja å spele trommer då han var tretten år gammal. På high school spelte han med Willie Bobo and the Harold Johnson Sextet. Chancler fekk universitetsgrad i musikk ved California State University, Dominguez Hills, og hadde då alt spelt med Gerald Wilson Big Band, Herbie Hancock,^[1] og spelt inn musikk med Miles Davis, Freddie Hubbard og Bobby Hutcherson, blant andre.

Chancler arbeidde ofte som studioperkusjonist. Han er å høyre på mange hitplater frå jazz til blues til pop, mellom anna Michael Jackson sin «Billie Jean».^[2] Chancler har òg arbeidd med Stanley Clarke, Jean-Luc Ponty, Donna Summer, George Duke, Patrice Rushen, Carlos Santana, Hubert Laws, The Crusaders, Frank Sinatra, Weather Report, Lionel Richie, George Benson, The Temptations, Tina Turner, Kenny Rogers, Thelonious Monk, Herbie Hancock, John Lee Hooker og andre.

I 2006 vart han assisterande professor på jazzstudiet ved University of Southern California^[2] og lærar ved Stanford Jazz Workshop i California.^[3]

Chancler er medlem av Percussive Arts Society^[4] og har blitt kåra til ein av dei 25 beste trommeslagarane i verda^{[treng kjelde]}.