Lise Davidsen
Lise Davidsen (fødd 8. februar 1987) er ein norsk operasongar. Ho er frå tidlegare Stokke kommune i Vestfold.
| Lise Davidsen | |||
| Fødd | 8. februar 1987 (37 år) | ||
|---|---|---|---|
| Fødestad | Tønsberg | ||
| Opphav | Noreg | ||
| Instrument | vokal | ||
| Stemmetype | sopran | ||
| Verka som | operasongar | ||
Utdanning
Davidsen har ein bachelor-grad frå Griegakademiet i Bergen. Deretter studerte ho hjå Susanna Eken ved Det Kongelige Operaakademi i København. I avgangsåret 2014 var ho ein av solistane ved Konserten til det Kongelege Danske Musikkonservatorium med Berlinfilharmonien.[1][2]
Kunstnarisk virke
På ein konsert i Oslo Konserthus 8. februar 2018 mottok Davidsen Sibeliusprisen for 2018 frå Sibelius-selskapet i Noreg.[3] Sibeliusselskapet skreiv i samband med utdelinga at dei ønska å gje prisen for 2018 til «en representant for den yngre garden av fremadstormende musikere i Norge.»
Prisar og utmerkingar
I 2017 blei Davidsen nominert til Nordisk råds musikkpris, som ein av to kandidatar frå Noreg.
Davidsen har elles vunne ei rekkje prisar og songkonkurransar i inn- og utland:
- 2015: Førsteprisen i Dronning Sonjas Internasjonale Musikkonkurranse[4]
- 2015: Førsteprisen, publikumsprisen og Birgit Nilsson-prisen i Operalia, Plácido Domingos internasjonale konkurranse for operasangere i London[5]
- 2015: Andreprisen, publikumsprisen og den internasjonale medieprisen i konkurransen Der Internationale Hans Gabor Belvedere Gesangswettbewerb (Belvederekonkurransen) i Wien.[6][7]
- 2015: Kirsten Flagstads pris
- 2014: Mottakar av stipend fra Léonie Sonnings Musikfond[8]
- 2018: Sibeliusprisen, utdelt 8. februar 2018[3]
- 2018: Gramophone Magazine Award: Young Artist of the Year
- 2019: Nominert til Spellemannprisen 2018 i klassen årets gjennombrudd & Gramo-stipend[9]
