Steinar Hoen

Steinar Breidsvoll Hoen (fødd 8. februar 1971) er ein norsk forretningsdrivande og tidlegare friidrettsutøvar. Han representerte IK Tjalve i Oslo. Han vart europameister i høgdehopp 9. august 1994 med resultatet 2,35 m, som inntil 9. august 2006 (altså på dagen 12 år) var meisterskapsrekord for EM. Hoen er 1,92 m høg.

Hoen sette sin første norske rekord den 22. juni 1991 med eit hopp på 2,27 m. Ein månad seinare sletta Håkon Särnblom denne rekorden. Denne rekorden hadde Särnblom i berre fjorten dagar, til dess Hoen 4. august 1991 gjekk over 2,29 m i eit stemne i Bergen. Sidan forbetra han den norske rekorden centimeter for centimeter til han stoppa på 2,36 m.

Hoens personlege rekord, 2,36 m, oppnådde han i tre tevlingar. Første gongen innandørs 12. februar 1994 i Balingen, Tyskland. Også året etter hoppa han 2,36 m innandørs. Utandørs gjekk han også over denne høgda; 1. juli 1997 på Rådhusplassen i Oslo, noko som er gjeldande norsk rekord. Ved 32 tevlingar hoppa 2,30 m eller høgare. Han la opp i 1999.

Hoen vart i 2007 leiar for Bislett Games.

Medaljar og plasseringar i internasjonale meisterskap

• VM 1991 Tokyo – 14. plass, 2,20 m
• OL 1992 Barcelona – utslått i kvalifiseringa (15. plass, 2,23 m)
• VM 1993 Stuttgart – 7. plass 2,25 m
• EM 1994 Helsingfors – gull, 2,35 m
• VM 1995 Göteborg – 4. plass, 2,35 m
• OL 1996 Atlanta – 5. plass, 2,32 m
• VM 1997 Aten – 4. plass, 2,32 m
• EM 1998 Budapest – 6. plass, 2,30 m

Medaljar norske meisterskap

• Gull: 1991, 1993-98
• Bronse: 1992

Personlege rekordar og årsbeste