Tallak Lindstøl
Tallak Olsen Lindstøl (fødd 30. januar 1857 på Lindstøl i Søndeled, død 14. april 1925)[1] var ein norsk lærar, bankmann, lensmann, statistikar, forfattar og stortingsrepresentant frå Venstre.[2] Han var òg ordførar i Søndeled herredsstyre.[2] Han var son av Ole Torjeson Lindstøl, som òg var stortingsrepresentant.[3]Tallak Lindstøl er særleg kjend for sine stortingsbiografiar.
Tallak Lindstøl | |
Statsborgarskap | Noreg |
Fødd | 30. januar 1857 Søndeled |
Død | |
Yrke | politikar, skribent |
Språk | norsk |
Politisk parti | Venstre |
Far | Ole Torjesen Lindstøl |
Tallak Lindstøl vart seminarist frå Holt seminar i 1877. Han var lærar åra 1877-81 og ved Risør folkeskule i 1883. Tida 1883-93 arbeidde han som kopist i Statistisk sentralbyrå. Frå 1893 var han kasserar i Søndeled Sparebank, frå 1900 også lensmann i Søndeled.
Han var medlem av heradsstyret i Søndeled frå 1896, dei fyrste fem åra var han ordførar. Lindstøl var stortingsmann for Venstre og Nedenes amt 1900-03 og for Holt krins 1910-15. I den fyrste valperioden var han medlem av vegkomiteen, 1910-12 av budsjettkomiteen, nestformann i same 1913-15. I siste valperioden var han også medlem av valkomiteen.
Lindstøl gav ut fleire arbeid bygt over statistisk materiale, mest kjende er hans oversikter over stortingsrepresentantane 1814-92 og 1814-1914. Elles skreiv han om fleire ulike historiske tilhøve.
Han døydde i Søndeled av «hjerneslag» i 1925.
Bibliografi
- Mandtallet 1701
- Stortingsrepræsentanter 1814-92
- Stamtavler østre Nedenes (1882)
- Den første kommunalstatistik for 1901 (1902)
- Statistisk haandbok om Nedenes amt 1891-1902 (1905)
- Stortinget og statsrådet 1814-1914 (1914)
Bibliografiliste iflg. Norsk samfunnsvitenskapelig datatjeneste[2]
Kjelder
Bakgrunnsstoff
- Publikasjonar av Tallak Lindstøl i BIBSYS