Tornike Kipiani
Tornike Kipiani (fødd 11. desember 1987), òg kalla «Kipo», er ein georgisk songar. Kipiani skulle representere Georgia i Eurovision Song Contest 2020 med songen «Take Me as I Am», men tevlinga vart avlyst på grunn av koronavirusutbrotet i Europa vinteren 2020. I staden representerte Kipiani Georgia i Eurovision Song Contest i 2021 med låten «You».[1][2]
| Tornike Kipiani | |||
| Fødd | 11. desember 1987 (36 år) | ||
|---|---|---|---|
| Fødestad | Tbilisi | ||
| Fødenamn | თორნიკე ყიფიანი | ||
| Opphav | Georgia | ||
| Aktiv | 2014– | ||
| Sjanger | rock and roll | ||
| Verka som | songar | ||
Bakgrunn
Kipiani vart fødd i Tbilisi 11. desember 1987 og vart kjend i Georgia då han vann georgisk X Factor i 2014. Mentoren hans var den georgiske artisten Tamta, som representerte Kypros i Eurovision Song Contest 2019.[3]
Kipiani deltok i den georgiske uttakinga til Eurovision Song Contest 2017 med songen «You Are My Sunshine». I 2019 vann han georgiske Idol med 33,82 prosent av telefonrøystene. Gjennom sigeren fekk han representere Georgia i Eurovision Song Contest 2020 i Rotterdam i Nederland,[4] men tevlinga vart avlyst på grunn av koronavirusutbrotet i Europa vinteren 2020. I staden fekk Kipiani representere Georgia i Eurovision Song Contest i 2021.[1][2] I semifinalen enda Kipiani og songen hans «You» på ein 16.-plass og gjekk dimed ikkje vidare til finalen.[5]
