Verdscupen i skiskyting 2005

Verdscupen i skiskyting 2005 tok til 2. desember 2004 og vart avslutta 19. mars 2005. Turneringa omfatta 27 individuelle tevlingar for begge kjønn. Renna fann stad på Beitostølen og i Oslo i Noreg, Östersund i Sverige, Oberhof og Ruhpolding i Tyskland, Antholz og Cesana Torinese i Italia, [Pokljuka]] i Slovenia, Hochfilzen i Austerrike og vart avslutta i Khanty-Mansijsk i Russland.

Dei mannlege utøvarane tevla i fire 20 km normalprogram, ti stk 10-kilometer sprint, ni jaktstartar à 12,5 km og fire 15 km-lange fellesstartar. I tillegg vart det arrangert fem stafettar over 4 x 7,5 km. Norske Ole Einar Bjørndalen gjekk til topps i turneringa for tredje gong, like framom tyske Sven Fischer. Fjorårsvinnar Raphaël Poirée vart tredjemann, langt framom nummer 4.

Dei kvinnelege utøvarane tevla i fire 15 km normalprogram, ti stk 7,5 km sprint, ni jaktstartar à 10 km og fire fellesstartar à 12,5 kilometer. I tillegg vart det arrangert fem stafettar over 4 x 6 km. Sigerene i verdscuoen gjekk til franske Sandrine Bailly, etter eit tett oppgjer med nummer 2, tyske Kati Wilhelm, og nummer 3, russiske Olga Pyljova.