Wonderful Christmastime
| Wonderful Christmastime Singel av Paul McCartney | ||
| B-side | «Rudolph the Red-Nosed Reggae» | |
|---|---|---|
| Språk | engelsk | |
| Utgjeve | 16. november 1979 | |
| Innspelt | 30. august 1979 i Lower Gate Farm i Sussex | |
| Sjanger | Rock | |
| Lengd | 3:45 | |
| Selskap | Parlophone, Columbia | |
| Komponist | Paul McCartney | |
| Tekstforfattar | Paul McCartney | |
| Låtskrivar(ar) | Paul McCartney | |
| Produsent | Paul McCartney | |
| Paul McCartney-kronologi | ||
| «Eat at Home» (1971) | Wonderful Christmastime | «Coming Up» (1980)
|
«Wonderful Christmastime» er ein julesong av Paul McCartney frå 1979.
Songen vart gjeven ut på singel, og sidan som bonusspor på 1993-utgåva av Wings-albumet Back to the Egg.[1]
Songen vart òg gjeven ut som bonusspor på 2011-utgåva av McCartney II. Songen vart miksa i 5.1 kringlyd for DVD-utgåva av The McCartney Years i 2007.
Historie
McCartney spelte inn songen under innspelinga av soloprosjektet McCartney II. Ingen av medlemmane i Wings er med på innspelinga, men dei er med i musikkvideoen.[2]
«Wonderful Christmastime» vart nytta i animasjonsfilmen Rudolph the Red-Nosed Reindeer: The Movie i 1998.[3]
Singelen nådde sjetteplassen på singellista i Storbritannia den første veka i januar 1980.[4] Songen nådde ikkje Billboard Hot 100 i USA, men låg to veker på julesonglista i desember 1984 med ein tiandeplass som høgaste plassering.[5] Han nådde òg 29. plassen på Billboard Hot Adult Contemporary-lista tidleg i januar 1996.[5]
Songen vert ofte spelt på radio i juletider, men somme musikkjournalistar hevdar det er den dårlegaste songen til McCartney skreiv.[6][7][8] Beatles-forfattaren Robert Rodriguez skreiv om «Wonderful Christmastime»: «Elsk han eller hat han, få songar av McCartney har skapt så sterke reaksjonar.»[7]
Medverkande
Andre versjonar
- Martin Sheen, John Spencer og Stockard Channing (alle skodespelarar i The West Wing) spelte «Wonderful Christmastime» på NBC Celebrity Christmas-albumet i 2000.
- Barenaked Ladies spelte ein kort instrumentalversjon av songen i 2004 på albumet Barenaked for the Holidays.
- Jump5 spelte og remiksa songen i 2002 for julealbumet All the Joy in the World.
- Earthasuit spelte inn songen for Happy Christmas Vol. 3 i 2000.
- Hilary Duff spelte inn «Wonderful Christmastime» i 2002 på julealbumet Santa Claus Lane.
- Tom Mcrae spelte songen for samlealbumet Maybe This Christmas Tree i 2004.
- Jars of Clay gav ut songen i 2007 på Christmas Songs.
- Demi Lovato gav ut songen i 2008 for albumet All Wrapped Up. Denne versjonen finst òg på samlealbumet Now That's What I Call Today's Christmas og i trailerar for filmen A Madea Christmas frå 2013.
- Family Force 5 spelte inn songen i 2009 på julealbumet Family Force 5 Christmas Pageant.
- Amy Grant spelte inn songen for julespesialen Amy Grant: A Christmas to Remember, som vart send 15. desember 1999 på CBS.
- Rahsaan Patterson spelte inn songen i 2008 for albumet The Ultimate Gift.[9]
- Helix spelte inn songen i 2008 for julealbumet A Heavy Mental Christmas.
- The Venture Bros.-skaparane Jackson Publick og Doc Hammer gav ut ein versjon av songen, framført som rollefigurane 21 og 24, for nettstaden Quick Stop Entertainment i 2008.[10]
- Kelly Rowland spelte ein versjon av songen i 2010 for albumet Now That's What I Call Christmas! 4.
- Chicago spelte inn songen i lag med Dolly Parton på Chicago XXXIII: O Christmas Three som kom i 2011.
- Eli Young Band spelte inn songen i 2011 for samleplata The Country Christmas Collection. Versjonen deira nådde 33. plassen på Billboard Hot Country Songs-lista i januar 2012.
- The Shins spelte inn songen for Starbucks-albumet Holidays Rule i 2012.
- Eleventyseven spelte inn songen i synthpop-stil i 2012 for EPen Regifted.
- Paul McCartney spelte inn songen på ny i 2013 med acappellagrupa Straight No Chaser for EPen deira, Under the Influence: Holiday Edition[11]
Kjelder
Bakgrunnsstoff
- Sold on Song (BBC Radio 2)
