Las Illas Andaman e Nicobar son un grop d'illas de la baia de Bengala e un territòri de l'Union d'Índia.
Lo territòri es situat a 150 km al nòrd d'Aceh en Indonesia e separat de Tailàndia e Birmania per la Mar d'Andaman. Compren dos grops d'illas, las Illas Andaman e las Illas Nicobar, separadas pel 10en parralèl N, amb los Andamans al nòrd d'aquesta latitud, e los Nicobars al sud. Los Andamans s'espandisson cap a l'èst e la Baia de Bengala al l'oèst.
La capitala del territòri es la ciutat andamanese de Port Blair. La superfícia del territòri és aperaquí 6496km2. La capitala de las Illas Nicobar es Car Nicobar.
Demografia
Las Illas Andaman son uèi abitadas per una majoritat de bengalinsindoïstas venguts de Bengala oriental (actual Bangladèsh) a la particion de las Índias en 1947 : la majoritat de la populacion es indoïsta, mas i a tanben fòrça crestians e una importanta minoritat musulmana.
Los 4 grops andamanés autoctòns d'ancians caçaires-culheires son venguts ultraminoritaris e son en via d'aculturacion. Son los negritos que las lengas son pas ligadas a cap familha lingûistica coneguda. Aquestes grops, entre los pus pichons en nombre del mond, son los jarawa, los grands andamanés, los centineleses e los onge, son amenaçats de desaparecion. Lo cinquen grop, lo dels Jangli, es ja desaparegut.
Los Nicobarés autoctòns son probablament los descendents de populacions originàrias de Malàisia e de Birmania. Se despartisson en en dos grops : los nicobaris e los shompen. Parlan de lengas mòn-khmers mas tanben lo birman, l' indi e l'anglés.
Nicobar foguèt pròche de l'epicentre del tsunami del 26 decembre de 2004.