କନକ ଚଢ଼େଇ

ପୂର୍ଣ୍ଣବୟସ୍କ ଏକ କନକ ଚଢ଼େଇର ଶରୀର ହାରାହାରି ୧୯ ସେଣ୍ଟିମିଟର ଲମ୍ବା । ଏହାର ଲାଞ୍ଜର ରଙ୍ଗ ଗାଢ଼ ଓ ତାହା ବିଞ୍ଛଣା ପରି ମେଲାଇ ହୋଇଥାଏ । କନକ ପକ୍ଷୀର ଲାଞ୍ଜର ଅଗ, ଭ୍ରୂଲତା ଓ କଣ୍ଠ ଧଳା ରଙ୍ଗର ହୋଇଥାଏ । କନକ ଚଢ଼େଇର ବିଭିନ୍ନ ଉପପ୍ରଜାତିର ରଙ୍ଗରେ କିଛି ତାରତମ୍ୟ ଦେଖାଦେଇପାରେ । ହିମାଳୟ ଅଞ୍ଚଳରେ ପରିଲକ୍ଷିତ R. a. canescans ଉପପ୍ରଜାତିର ପକ୍ଷୀଙ୍କ ଦେହ ସିଲଟ ପରି ରଙ୍ଗର, ଆଖି ନିକଟରେ ଚସମା ପରି ଆବରଣ, ଧଳା ଭ୍ରୂଲତା ଓ ଧଳା କଣ୍ଠ ରହିଥାଏ ।

ଭାରତରେ ଏହି ପକ୍ଷୀକୁ ବିଭିନ୍ନ ସ୍ଥାନୀୟ ନାମ ଦିଆଯାଇଛି; ଯଥା - ଆସାମୀ ଭାଷାରେ ଏହି ପକ୍ଷୀର ନାମ ହେଉଛି ନାସୋନି ସୋରାଇ ।

ଗଛରେ ନିଜର ନୀଡ଼ ବାନ୍ଧି କନକ ପକ୍ଷୀ ସେଥିରେ ୩ଟି ଅଣ୍ଡା ଦେଇଥାଏ । ଏହାର ଅଣ୍ଡାଗୁଡ଼ିକ ପ୍ରାୟ ୨ ସେଣ୍ଟିମିଟର ଲମ୍ବା । ଅଣ୍ଡାଗୁଡ଼ିକର ରଙ୍ଗ ଧଳା ଓ ତାହା ମଝି ଆଡ଼କୁ ମାଟିଆ ରଙ୍ଗର ଛିଟ ଦାଗ ରହିଥାଏ ।

କନକ ଚଢ଼େଇ ଏକ କୀଟଭକ୍ଷୀ ପକ୍ଷୀ । ଭୂମିରେ ବା ବୁଦା ଭିତରେ ବିଚରଣ କରୁଥିବା ବେଳେ ଏହା ନିଜର ଲାଞ୍ଜର ପରଗୁଡ଼ିକୁ ବିଞ୍ଛଣା ପରି ଖୋଲି ରଖିଥାଏ ।

ଏହି ପକ୍ଷୀ ପ୍ରତି ବର୍ଷ ନିଜ ଗୋଟିଏ ପ୍ରକାରର ରାବ ବା ଗୀତର ସ୍ୱରକୁ ଏକ ଅନୁକ୍ରମରେ ଟିକିଏ ଲେଖାଏଁ ବଦଳାଉଥାଏ । ୪-୫ ବର୍ଷ ପରେ ପକ୍ଷୀର ଗୀତ ଅନେକାଂଶରେ ବଦଳିଯାଏ । ଡେଣାରେ ଛିଟଦାଗ ରହିଥିବା ଆଉ ଏକ ଫ୍ୟାନଟେଲ୍ ପକ୍ଷୀ ପ୍ରଜାତି R. aureola ସହିତ କନକ ପକ୍ଷୀ ଏକା ପରିବାସରେ ରହିଥାନ୍ତି । ଅଣ୍ଡିରା କନକ ପକ୍ଷୀର ଡାକରୁ ଏମାନଙ୍କୁ ଠଉରାଇବା ସହଜ ହୋଇଥାଏ । ବେଳେବେଳେ ରିପିଡ୍ୟୁରା ଅରିଓଲା ପ୍ରଜାତିର ଡାକ କନକ ପକ୍ଷୀର ଡାକର ଭ୍ରମ ସୃଷ୍ଟି କରିଥାଏ । କିନ୍ତୁ ଅରିଓଲା ପକ୍ଷୀର ଶରୀରର ନିମ୍ନାଂଶ ଧଳା ଓ ତାହାର ଡେଣାରେ ଦୁଇ ଧାଡ଼ି ଧଳା ଦାଗ ରହିଥାଏ ।

• 
  ଭାରତର ସତ୍ତାଲର ଭୀମତାଲ ନିକଟରେ ଏକ କନକ ପକ୍ଷୀ
• 
  ଭାରତର ଏକ କନକ ପକ୍ଷୀ
• 
  ବସା ମଧ୍ୟରେ କନକ ଚଢ଼େଇର ଅଣ୍ଡା
• 
  ବସାରେ ପକ୍ଷୀ ଶାବକ
• 
  କନକ ଚଢ଼େଇର ଶରୀରର ନିମ୍ନାଂଶ}}

• Birds of India by Grimmett, Inskipp and Inskipp, ISBN 0-691-04910-6