କାଳନ୍ଦୀ ଚରଣ ବେହେରା

କାଳନ୍ଦୀ ଚରଣ ବେହେରା ୧୯୪୪ ମସିହାର ମଇ ମାସ ୨୫ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ଥିଲା ଧଡ଼ି ବେହେରା ଏବଂ ପତ୍ନୀଙ୍କ ନାମ ପ୍ରମିଳା ବେହେରା ।^[୧] କାଳନ୍ଦୀଙ୍କର ଶିକ୍ଷାଗତ ଯୋଗ୍ୟତା କଳାରେ ସ୍ନାତକୋତ୍ତର ।

ବକ୍ସି ଜଗବନ୍ଧୁ ବିଦ୍ୟାଧର ମହାବିଦ୍ୟାଳୟରେ ଶିକ୍ଷକ ଭାବେ ବୃତ୍ତିଗତ ଜୀବନ ଆରମ୍ଭ କରିଥିବା କାଳନ୍ଦୀ ବିଜୁ ପଟ୍ଟନାୟକଙ୍କ ପ୍ରେରଣାରେ ରାଜନୀତିରେ ଯୋଗଦେଇଥିଲେ । ୧୯୭୪ ମସିହାରେ ପ୍ରଥମେ ସାଲେପୁର ନିର୍ବାଚନ ମଣ୍ଡଳୀରୁ ଉତ୍କଳ କଂଗ୍ରେସର ପ୍ରାର୍ଥୀ ଭାବେ ନିର୍ବାଚନ ଲଢ଼ି ପରାସ୍ତ ହେଇଥିଲେ ।^[୨] ସେ ଓଡ଼ିଶା ରାଜନୀତିରେ ବିଜୁ ଜନତା ଦଳ, ଜନତା ପାର୍ଟି ଓ ଜନତା ଦଳର କର୍ମକର୍ତ୍ତା ଭାବରେ କାର୍ଯ୍ୟ କରୁଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟକ ଭାବରେ ୫ଥର ଏବଂ ମନ୍ତ୍ରୀ ଭାବରେ ୧୯୭୯ରୁ ୧୯୮୯, ୧୯୯୧ରୁ ୧୯୯୫ ଏବଂ ୨୦୦୨ରୁ ୨୦୦୬ ମସିହାଯାଏଁ କାର୍ଯ୍ୟ କରିଥିଲେ ।^[୧]

କାଳନ୍ଦୀ ଚରଣ ବେହେରା ୨୦୧୫ ମସିହାର ଫେବୃଆରୀ ମାସ ୧୮ ତାରିଖରେ ମୃତ୍ୟୁବରଣ କରିଥିଲେ ।^[୩] ମୃତ୍ୟୁବେଳକୁ ତାଙ୍କୁ ୭୦ ବର୍ଷ ବୟସ ହୋଇଥିଲା ।