ପୁରୁଣି

ଏହା ଅଳ୍ପକଷାୟ ମିଶ୍ରିତ କଟୁ ତିକ୍ତରସ, ଶୀତବୀର୍ଯ୍ୟ, ଚକ୍ଷୁର ହିତକର, ଅଗ୍ନୀବର୍ଧକ, ଆୟୁବର୍ଧକ, ଶୋଥ, ଉଦରୀ, ଶୂଳ, ଗୁଳ୍ମ, ରକ୍ତପ୍ରଦର, ବିଷଦୋଷ, ପିତ୍ତବିକୃତି, ବାୟୁ, କଫ, କାମଳ, ପାଣ୍ଡୁ, ଅର୍ଶ, ଯାବତୀୟ ପ୍ରକାର ବ୍ରଣ, କ୍ଷତ, ଦଦ୍ରୁ, କଣ୍ଡୁ ଓ ଚର୍ମରୋଗ ନାଶକ ଅଟେ ।

ଏହାର ସର୍ବାଙ୍ଗ ଔଷଧି ରୂପେ ବ୍ୟବହାର କରାଯାଏ । ଶୋଥ, ଆଖିର ରୋଗ, ଯୌବନକାଳୀନ ମୁଖବ୍ରଣ, ଜଖମ ଓ ଦରଜ, ସର୍ପବିଷ, ସ୍ତ୍ରୀରୋଗ ଯଥା, ରକ୍ତପ୍ରଦର, ବନ୍ଧ୍ୟାତ୍ୱ, ପିତ୍ତବିକାର ଓ ପେଟରୋଗରେ କବିରାଜମାନେ ଏହାର ଉପଯୋଗ କରିଥାନ୍ତି । ବାର୍ଧକ୍ୟକୁ ଦୂର କରି ଏହା ଯୌବନ ଫେରାଇ ଆଣିବାରେ ସକ୍ଷମ ବୋଲି ଏହାର ନାମ ପୁନର୍ନବା ରଖା ଯାଇଛି। ଏହାର ପତ୍ରକୁ ଶାଗ କରାଯାଏ ।

• ବୈଦ୍ୟରାଜ ଶ୍ରୀ କୃଷ୍ଣବ୍ରହ୍ମା ଶତପଥିଙ୍କ ବନୌଷଧି ବିଜ୍ଞାନ ।