ଶାନ୍ତିଲତା ବାରିକ

ଶାନ୍ତିଲତା ବାରିକ ୧୯୫୮ ମସିହାରେ ପୁରୀ ଜିଲ୍ଲା ଅନ୍ତର୍ଗତ ବିଷ୍ଣୁପୁର ଗ୍ରାମରେ ଜନ୍ମଗ୍ରହଣ କରିଥିଲେ । ତାଙ୍କ ମାତାଙ୍କ ନାମ କମଳା ଦେବୀ ଓ ପିତାଙ୍କ ନାମ ବାସୁଦେବ ବାରିକ । ^[୩] ସେ ବ୍ରହ୍ମଗିରି ଅଞ୍ଚଳର କୁନାବେଣ୍ଟି ଗାଆଁର ବାସିନ୍ଦା ବସନ୍ତ ଛୋଟରାୟଙ୍କୁ ବିବାହ କରିଥିଲେ ।^[୪] ଏହି ଦମ୍ପତ୍ତିଙ୍କର ଦୁଇଟି ପୁଅ ଅଛନ୍ତି ।^[୨]

ଶାନ୍ତିଲତା ବାରିକ ବାଳକୃଷ୍ଣ ଦାଶ, ମାର୍କଣ୍ଡେୟ ମହାପାତ୍ର, ସିଂହାରୀ ଶ୍ୟାମସୁନ୍ଦର କର ପ୍ରମୁଖ ସଙ୍ଗୀତ ଗୁରୁମାନଙ୍କଠାରୁ ସଙ୍ଗୀତ ଶିକ୍ଷା ନେବା ସହିତ ଉତ୍କଳ ସଙ୍ଗୀତ ମହାବିଦ୍ୟାଳୟରୁ ସ୍ନାତକ (ଆଚାର୍ଯ୍ୟ) କରିଥିଲେ ।^[୫] ୧୯୮୭ ମସିହାରେ, ସେ ଗାଇଥିବା ଜଗନ୍ନାଥ ଭଜନ ହେ ଚକାନୟନଦ୍ୱାରା ତାଙ୍କୁ ଲୋକପ୍ରିୟତା ମିଳିଥିଲା ।^[୨] "ଥକାମନ ଚାଲ ଯିବା", "ଭଜି ଭଜି ତୋ ନାମ", "ଜଗନ୍ନାଥ ତୁମେ ବଡ଼ ଛଳିଆ" ଆଦି ଲୋକପ୍ରିୟ ଓଡ଼ିଆ ଭଜନ ଗାୟିକା ଭାବରେ ସେ ଜଣାଶୁଣା ।^[୬]

କଥାଚିତ୍ର

• ୧୯୮୨: ବାସନ୍ତୀ ଅପା - ପ୍ରଚ୍ଛଦପଟ ଗାୟିକା

• ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାର^[୫]

୨୦୧୧ ମସିହାରୁ କର୍କଟ ରୋଗରେ ପୀଡ଼ିତ ହୋଇ ଚିକିତ୍ସିତ ହେବା ସହ ୨୦୨୦ପରଠାରୁ କରୋନାରେ ଆକ୍ରାନ୍ତ ହେବା ପରେ ସେ ଅସୁସ୍ଥ ରହୁଥିଲେ ।^[୨][୭] ୨୦୨୪ ଅପ୍ରେଲ ୧ରେ ତାଙ୍କ କର୍କଟ ଯୋଗୁ ତାଙ୍କର ମୃତ୍ୟୁ ହୋଇଥିଲା ।^[୧]

• ଇଣ୍ଟରନେଟ ମୁଭି ଡାଟାବେସରେ ଶାନ୍ତିଲତା ବାରିକ