ସରଳା ଠକରାଲ
ସରଲା ଠକ୍କ୍ରାଲ୍ (୧୯୧୪-୧୫ ମାର୍ଚ ୨୦୦୮ ) ପ୍ରଥମ ମହିଳା ବିମାନ ଚାଲିକା । [୧][୨][୩] ୧୯୧୪ ମସିହାରେ ଜନ୍ମଗ୍ରହଣ କରିଥିବା ସରଳା ୧୯୩୬ ମସିହାରେ ୨୧ ବର୍ଷ ବୟସରେ ବିମାନ ଚାଳନା ପାଇଁ ଲାଇସେନ୍ସ ହାସଲ କରିଥିଲେ । ସେତେବେଳକୁ ତାଙ୍କର ଗୋଟିଏ ୪ ବର୍ଷର ଝିଅ ମଧ୍ୟ ଥିଲା । ସେ ପ୍ରଥମେ ଏକ ଗିପସୀ ମଥ ସୋଲୋ ବିମାନ ଚଳେଇ ୧୦୦୦ ଘଣ୍ଟା ବିମାନ ଚାଳନାର ଅନୁଭବ ହାସଲ କଲାପରେ "ଏ" ଗ୍ରେଡ ଲାଇସେନ୍ସ ପାଇଥିଲେ ଓ ସେ ପ୍ରଥମ ଭାରତୀୟ ମହିଳା ଭାବରେ ଏହା ହାସଲ କରିଥିଲେ । ତାଙ୍କ ସ୍ୱାମୀ ପି .ଡି . ଶର୍ମାଙ୍କ ପରିବାର ଜଣେ ବିମାନ ଚାଳକଙ୍କ ପରିବାର ଥିଲା । ପରିବାରରେ ୯ ଜଣ ସଦସ୍ୟ ପାଇଲଟ ଥିଲେ । ନିଜେ ଶର୍ମା ଭାରତର ପ୍ରଥମ ଏୟାର ମେଲ ପାଇଲଟ ଥିଲେ । ସେ କରାଚି ଓ ଲାହୋର ମଧ୍ୟରେ ଏୟାରମେଲ ଚାଳନା କରୁଥିଲେ । [୪][୫]
Sarla Thakral | |
---|---|
ଜନ୍ମ | 1914 New Delhi, India |
ମୃତ୍ୟୁ | ୧୫ ମାର୍ଚ୍ଚ ୨୦୦୮ |
ବୈବାହିକ-ସାଥୀ(s) | P. D. Sharma , R.P Thakral |
୧୯୩୯ ମସିହାରେ ବିମାନ ଦୁର୍ଘଟଣାରେ କାପ୍ଟେନ ଶର୍ମାଙ୍କ ଦୁଖଦାୟକ ମୃତ୍ୟୁ ଘଟିବା ପରେ ସାରଳା ନିଜର ଓ ନିଜ ଝିଅର ଭରଣ ପୋଷଣ ପାଇଁ ବାଣିଜ୍ୟିକ ବିମାନ ଚାଳନା ପାଇଁ ଆବେଦନ କରିଥିଲେ । ତେବେ ସେହି ସମୟରେ ଦ୍ୱିତୀୟ ବିଶ୍ୱଯୁଦ୍ଧ ଆରମ୍ଭ ହୋଇଯାଇଥିବାରୁ ତାଙ୍କୁ ଅନୁମତି ମିଳିପାରି ନଥିଲା । ସେ ବାଧ୍ୟ ହେଇ ମାୟୋ ଆର୍ଟ ସ୍କୁଲରେ ଲଲିତା କଳା ଶିକ୍ଷା ଲାଭ କରିଥିଲେ ।
ସେ ଆର୍ଯ୍ୟ ସମାଜର ଜଣେ ଭକ୍ତ ଥିଲେ ଓ ବେଦ [୬]ର ସାରକୁ ଜୀବନର ଆଧାର କରିଥିଲେ । ଏହି ସମୟରେ ଭାରତ ସ୍ୱାଧୀନ ହେଇ ବିଭାଜନ ମଧ୍ୟ ହେଲା ଓ ସେ ନିଜର ଦୁଇ ଝିଅଙ୍କୁ ନେଇ ଦିଲ୍ଲୀରେ ଆସି ରହିଲେ । ସେଠାରେ ସେ ୧୯୪୮ ମସିହାରେ ଆର . ପି . ଠକ୍କ୍ରାଳଙ୍କୁ ବିବାହ କରିଥିଲେ । ବିବାହ ପରେ ସେ ଜଣେ ସଫଳ ବ୍ୟବସାୟୀ ମଧ୍ୟ ହେଇ ପାରିଥିଲେ ଓ ତାଙ୍କର ଆର୍ଟ ଶିକ୍ଷାର ଉପଯୋଗ କରି ବସ୍ତ୍ର ତଥା ଅଳଙ୍କାର[୭]ର ଡିଜାଇନର ଭାବରେ ମଧ୍ୟ କୃତି ହାସଲ କରିଥିଲେ । ୨୦୦୮ ମସିହାରେ ତାଙ୍କର ପରଲୋକ ଘଟିଥିଲା ।[୮]