Мадагаскар

Мадагаска́ры Республикæ (малаг. Repoblikan'i Madagasikara [republiˈkʲan madaɡasˈkʲar], фр. République de Madagascar) у сакъадахон паддзахад Индийы фурды ныгуылæн хайы. Мадагаскар у дунейы цыппæрæм стырдæр сакъадах, йæ фæзуат у 587 мин квадратон километры. Паддзахадмæ хауы, Африкæйы скæсæйнаг былмæ ’ввахс цы чысыл сакъадæхтæ ис, уыдонæй цалдæр. Æдæппæт бæстæйы цæрджыты нымæц хæццæ кæны 20 милуанмæ, сæ адæмыхатмæ гæсгæ сты малагасиаг адæмы алыхуызон дæлкъордтæ, ис Хуссар Азийæ æрбацæуæг адæм дæр.

Мадагаскары Республикæ
Repoblikan'i Madagasikara
République de Madagascar
Republic of Madagascar

Тырыса Герб
Девиз: «Tanindrazana, Fahafahana, Fandrosoana» «Фыдыбæстæ, Сæрибардзинад, Прогресс»»
Гимн: «Гъо, нæ уарзон бæстæ»
Хæдбар сси	1946 Францæй
Æвзаг	англисаг, малагасиаг æмæ францаг
Сæйраг сахар	Антананариву
Стырдæр сахартæ	Антананариву
Хицауиуæджы хуыз	Республикæ
Президент Премьер-министр	Андри Ражуэлинæ Эжен Мангалазæ
Фæзуат	587 041 км²
Доны процент	7,0
Цæрджытæ • Бахыгъд (2005) • Æнгомад	18 400 000 ад. 31,3 ад./км²
ÆМП • Æдæппæт (2005) • Иу адæймагмæ	дунейы 118-æм 16,228 млрд. $ 905 $
Валютæ	Ариари (MGA)
Интернет-домен	.mg
Телефонон код	+261
Сахатон таг	+3

Мадагаскары ис уникалон æрдз. Дунейы цæрæгойтæ æмæ зайæгойты 5% ис Мадагаскары, уыдонæй 80% ис ссарæн æрмæст уыцы сакъадахыл. Тæккæ зындгонд мадагаскайраг цæрæгой у лемур.

Мадагаскары ис 5 климæтон (бæстыхъæды) зонæйы. Уыдонæй тæккæ карздæр у сакъадахы хуссайраг был: ис дзы сыгъд æдзæрæгран.

Мадагаскары сæйраг æвзæгтæ сты малагасиаг æмæ францаг. Уыдонæй уæлдай ма официалон статус ис англисаг æвзагæн дæр. Сакъадахы цæрджытæ сты æмхæццæ негроидон-монголоидон расæйон къорды. Се ’взагмæ гæсгæ, мадагаскайрæгтæ сæ сакъадахмæ æрбацыдысты, нырыккон Индонези кæм и, уыцы ранæй. Мадагаскайрæгтæ иу адæмыхатт не сты, фæлæ дих кæнынц 18 знæмыл.