2021-æм азы декабрь
- Уæрæсе Кубæмæ арвыста 22 тоннæйы гуманитарон æххуыс. Кубæйы медиктæ райсдзысты хъахъхъæнæг дарæс æмæ шприцтæ, æндæр дзауматы ’хсæн[1].
- Уфайæ Оренбургмæ фæндагыл æрцыдис авари 22 хæдтулгæйы хайадистæй. Иу адæймаг дзыхъмард фæцис, бирæтæ фæцæф сты[2].
- Дзæуджыхъæуы лакаг æвзагыл театры спектакльмæ æрбацыдысты 500 театрдзауы.
- Ручъы тъунелы хуссарварс рацыд зӕй, миты бын фесты фондз уӕрӕсейаг ӕфсӕддоны. Уыдонæй дыууæйы фервæзын кодтой, æртæ фæмардысты[3].
- 2021-æм азы 20 декабры
- Чилийы ног президент сси Габриэль Борич, хорватаг равзæрды социалист бæстæйы хуссарæй.
- Ростов-Доныл: археологтæ къахтой Фыдыбæстæйы Стыр хæсты рæстæджы немыцаг хæстон позицитæ æмæ дзы ссардтой скифаг аг. Рестраврацийы фæстæ аджы æвдисдзысты бынæттон музейы[5].
- Пакистаны хуссары Карачийы сахары банчы мидæг срæмыгъди æрдзон газы æртæдзæн, æппынкъаддæр 14 адæймаджы фæмардысты[6].
- Уæрæсейы астæуккаг скъолаты хæрæндонты ’хсæн конкурсы уæлахизгæнджытæй иу сси Æрыдоны 1-æм скъолайы хæрæндон[7].
- Финляндийы радио куыд фехъусын кодта, ноябры дæргъы еврозонæйы инфляци 4,9% онг схызти[8].
- Сау денджызы ныгуылæны АИШ-ы ракетæхæссæг хæстон нау «Арли Бёрк» бацархайдта Гуырдзыстоны арæнгæс флотимæ иумæйаг ахуыры[9].
- Мæскуымæ ’ввахс фæндагыл цæугæйæ ссыгъди, Узбекистанæй рог хæдтулгæтæ чи ласта, ахæм уæзласæн машинæ. Ничи фæцæф, фæлæ æртæ хæдтулгæйы бынтон басыгъдысты.
- Сомих æмæ Турчы ’хсæн тагъд рæстæджы хæдтæхджытæ тæхын райдайдзысты, — уый тыххæй фехъусын кодта къуырисæры Турчы фæсарæйнаг хъуыддæгты министр Чавушоглу. Бирæ азты дæргъы дыууæ паддзахады ’хсæн ницы бастдзинад уыдис[10].
- Приднестровьейы цæрджытæ æвзарынц республикæйы æвдæм президенты[11].
- Турчы президент Реджеп Эрдоган загъта, социалон хызтæ, дам, демократийæн тынг тас сты, зæгъгæ, уый тыххæй æмæ дзы сайæн ныхæстæ парахат кæнынц[12][13].
- Моргуаты Жаннæ баззади Цæгат Ирыстоны сæйраг æвзарæн къамисы сæргъы, йæ хæдивæгæй ма уыдзæн Хъуыдакаты Сосланбег. Сæ кандидатурæтæ сфидар кодтой сæйраг æвзарæн къамисы уæнгтæ[15]
- КАМАЗ йæхицæй радих кодта ног акционерон æхсæнад «Кама», кæцы рог хæдтулгæтæ электрон змæлынгæнæгимæ уадздзæн. 2024-æм азмæ Уæрæсейы куыстуæттæ афæдз араздзысты 25 мин электромобилы[16].
- Олаф Шольц сси Германы ног канцлер Ангелæ Меркелы бæсты, Бундестаджы депутаттæй æртæ сæдæйæ фылдæр йæ кандидатурæйы ныхмæ уыдысты, афтæмæй[17].
- Женевæйы ацыдис Фæскавказы æдасдзинады тыххæй дискусситы 55-æм зылд, ныхас дзы цыдис регионы сабырдзинад хъахъхъæнын æмæ Тырсыгомæй рацæуæг ирæтты бартæ нæ халыны тыххæй[18].
- Мæскуыйы бирæфункционалон центртæй иуы 45-аздзыд хæстон пенсиисæг йæ дамбацæйæ æхсын байдыдта, маскæ дæхиуыл скæн, зæгъгæ, уымæн куы загътой, уæд. Цыппар адæймаджы фæцæф, дыууæ фæмард сты. Æхсæджы бауырæдтой[19].
- Мæскуыйы метрополитены æмрæстæджы скусын кодтой дæс ног станцæйы[20].
- Дыццæджы Мæскуыйы цы тыхджын мит рауардзæн, уый уыдзæн 1949-æм азæй æппæты тыхджындæн митуард Уæрæсейы сæйраг сахары, — хъусын кæнынц метеорологтæ[21].
- Дзæуджыхъæумæ цæуы ног трамвай, фыццаг ног вагон уынгты фæзындзæн 20 декабры[22].
- Цхинвалы цæрæг йæ къæбицы ссардта гранатæ Ф-1. Хуссар Ирыстоны æнæнхъæлæджы цауты министрады специалисттæ гранатæ сахары æдде срæмудзын кодтой[23].
- Айразмæ Хуссар Африкæйы Республикæйæ Мæскуымæ чи æрыздæхт, уыдоны ’хсæн фарастмæ тесттæ ног коронавирус рабæрæг кодтой[24].
- Æппынкъаддæр 21 адæймаджы фæмардысты центрон Кенийы — чындзæхсæвмæ цы автобусæй цыдысты, уый хидæй донмæ ныххауди[25].
- Гурмæ ’ввæхс Зегдулетийы хъæуы цæрæг зæхкусджытæ рæстæгмæ сæхгæдтой фæндаг — уымæй се ’нæразыдзинад равдыстой, сæ хизæнуæттæ фæсарæйнаг инвестормæ кæй уæй кæнынц, уый тыххæй.
- Киевы 1969-æм азы гуырд цæрæджы зæрдæмæ нæ фæцыдис, йæ фатеры цы цалцæг скодтой, уый, æмæ цалцæггæнæджы йæ ливорæй фехста. Цæф адæймаджы аластой рынчындонмæ, æхсæджы та — пъæлицæмæ[26].
- Дзæуджыхъæуы зынгсирвæзт 48-æм скъолайы, арт аххуысын кодтой, эвакуаци бахъуыд 510 сывæллоны.
- Мюнхены срæмыгъд, дыккаг дунеон хæсты заманæй чи баззæд, ахæм бомбæ. Цыппар арæзтадон кусæджы фæцæф сты[27].
Фиппаинæгтæ
🔥 Top keywords: Сæйраг фарсУæрæсейы Федерацийы социалон картæВикипеди:АфыстДыккаг дунеон хæстÆххуыс:МидисВикипеди:Ног хабæрттæСæрмагонд:ФæстагИвдтытæВикипеди:БæрнВикипедиВикипеди:Хъазуатон куыстВикипеди:НыхасКатегори:ÆппæтVk.comЧехиСæрмагонд:АгурынКатегори:Википеди:Викирардтæй йæ ратæдзæнтæ чи исы, ахæм уацтæАнглисаг æвзагЦæгат ИрыстонАмерикæйы Иугонд ШтаттæКоцойты АрсенХуызæг:Ирон мифологиБургундиПлиты ИссæГрадарæСтыр БританиПезаро æмæ УрбиноЧакобсаХуызæг:Cite webИндиБарастырÆрдзУæрæсеВикипеди:МинæварадДзылæуСомихХуызæг:Cite journalИлас ÆрнигонХуссар КорейДурæвзалы