Сомих
Сомих кæнæ Сомихыстон, дыгур. Сомех (сом. Հայաստան [hɑjɑsˈtɑn]), официалон æгъдауæй — Сомихы Республикæ (сом. Հայաստանի Հանրապետություն [hɑjɑstɑˈni hɑnɾɑpɛtuˈtʰjun]), у Хуссар Кавказы паддзахад. Ис Ныгуылæн Азийы, денджызмæ бацæуæн йæм нæй. Арæнтæ йæм ис Гуырдзыстон, Турк, Азербайджан æмæ Иранимæ. Йæ сæйраг сахар у Ереван. Сомихы зæххыты фæзуат у 29 800 квадратон километр, æмæ йæ цæрджыты нымæц та у 3,3 милуан. Кæд географион критеритæм гæсгæ Азийы ис, уæд культурон æууæлтæй Европæйы паддзахадыл нымад у.
Сомихы Республикæ | |
---|---|
Հայաստանի Հանրապետություն | |
Гимн: «Мер Айреник» «Мах Фыдыбæстæ» | |
Официалон æвзаг | сомихаг |
Сæйраг сахар | Ереван |
Стырдæр сахартæ | Ереван, Гюмри |
Хицауиуæджы хуыз | Президентон республикæ |
Президент | Ваагн Хачатурян |
Премьер-министр | Никол Пашинян |
Территори | |
• Æдæппæт | 29 800 км² |
• Доны уæлцъары % | 4,7 |
Цæрджытæ | |
• Бахыгъд (2024) | 3 165 000 ад. |
• Æнгомад | 100,4 ад./км² |
ÆМП | |
• Æдæппæт (2017) | 11 037 млрд долл. |
Валютæ | драм |
Интернет-домен | .am |
Код ISO | AM |
ÆОК-ы код | ARM |
Телефонон код | +374 |
Сахатон таг | +4 |
Викикъæбицы медиа |
Карабахы конфликты фæстæ Турк æмæ Азербайджан Сомихимæ сæ арæнтæ сæхгæдтой, афтæмæй дунейы бæстæтимæ уæйгæнæн ис æрмæст Гуырдзыстон æмæ Ираны территоритыл.
2009-æм азы райдыдта Турк æмæ Сомихы ’хсæн бафидауыны процесс. Сомихы цæрджытæ сæ ныфс дарынц ууыл, æмæ арæн байгом уыдзæн, уымæй та фæасламдæр уыдзысты æппæт импортгонд товартæ. Иуæй-иу политиктæ зæгъынц, гом арæн Туркæн æлхъивыны инструмент кæй ратдзынæн, уый тыххæй[1]. Ныртæккæ, 1992-æм азы бадзырдмæ гæсгæ, Туркимæ Сомихы арæн хъахъхъæнынц Уæрæсейы арæнгæсты æфсад[2].
Паддзахады нырыккон президент у Ваагн Хачатурян (2022-æм азæй).
Сомихы валютæ у драм. Лыстæгдæр æхца у 10 драмы згъæрæхца.
Сомих у дунейы рагондæр чырыстон паддзахæдтæй иу. Чырыстон дин дзы сси официалон 301-æм азы.
Бæстæйы цардмæ стыр тæваг дарынц сомихаг фæсарæйнаг диаспорæ.
Этимологи
Иронау та дзырд «Сомих» y равзæрд гуырдзиаг дзырдæй «Сомхети» (гуырдз. სომხეთი кæнæ სასომხეთი). Куыд уынæм, афтæмæй абон ацы дзырд у æрмæстдæр уыцы дыууæ æвзæгтыл.
Административон дих
Сомихы ис 11 провинцийы (марзтæ, сом. մարզ):
- Арагацотн (сом. Արագածոտնի մարզ) — с. Аштарак.
- Арарат (сом. Արարատի մարզ) — с. Арташат.
- Армавир (сом. Արմավիրի մարզ) — с. Армавир.
- Гегаркуник (сом. Գեղարքունիքի մարզ) — с. Гавар.
- Котайк (сом. Կոտայքի մարզ) — с. Раздан.
- Лори (сом. Լոռու մարզ) — с. Ванадзор.
- Ширак (сом. Շիրակի մարզ) — с. Гюмри.
- Сюник (сом. Սյունիքի մարզ) — с. Капан.
- Тавуш (сом. Տավուշի մարզ) — с. Иджеван.
- Вайоц Дзор (сом. Վայոց Ձորի մարզ) — с. Ехегнадзор.
- Ереван (сом. Երևան) — с. Ереван.
Паддзахадон арæзт
Президент
Сомихы президенттæ:
- Левон Тер-Петросян (1991-æм азы 16 октябрæй — 1998-æм азы 3 февральмæ)
- Роберт Кочарян (1998-æм азы 4 февралæй — 2008-æм азы 9 апрельмæ)
- Серж Саргсян (2008-æм азы 9 апрелæй)