Максимова Татьяна Ивановна
Максимова Татьяна Ивановна (1935 с., Кириэстээх нэһилиэгэ, Сунтаар оройуона, Саха АССР), үлэ, тыыл, педагогическай үлэ бэтэрээнэ.
Олоҕун олуктара
1935 с. Кириэстээххэ төрөөбүтэ. Оскуолаҕа сэрии кэнниттэн интернакка олорон үөрэммитэ. Манна 7-с кылааһы бүтэрэн баран Тойбохой оскуолатыгар үөрэнэ киирбитэ. Тойбохой оскуолатын 1956 с. бүтэрбитэ. Комсомольскай путевка тутан фермаҕа 2 сыл тахсан үлэлээбитэ. Онтон 2 сыл Бүлүү училищетыгар үөрэнэн начальнай кылаас учууталын идэтин ылбыта.
1960-1964 сс. - училищены бүтэрэн баран Өлөөн оройуонугар Харыйалаах бөһүөлэгэр 4 сыл үлэлээбитэ.
1964-1991 сс. Сунтаар оройуонун Кириэстээх оскуолатыгар пенсияҕа тахсыар диэри начальнай кылаас учууталынан үлэлээбитэ. Татьяна Ивановна үөрэппит оҕолоруттан 28 учуутал идэтин талбыттара.[1][2]
Наҕараадалара, ытык ааттара
- РСФСР үөрэҕириигэ министиэристибэтин Бочуотунай грамотата