Саха уобалаһын биэдэмэстэрэ
Саха уобалаһын биэдэмэстэрэ (нууч. Якутские областные ведомости) — Саха уобалаһын бастакы хаһыата. 1892 сыл тохсунньу 8 күнүттэн 1919 сыл ахсынньы 14 күнүгэр диэри ыйга иккитэ тахсара. Уобаласка тахсар соҕотох хаһыат этэ, олохтоох типографияҕа бэчээттэнэрэ. Нууччалыы тыллааҕа.
Икки чаастан турара. Бастакы чааһыгар Саха уобалаһын уонна Арассыыйа судаарыстыбатын салалталарын иһитиннэриилэрэ, ыраахтааҕы ыйаахтара, Саха сирин күбүрүнээтэрин аатыгар киирэр Дуума, Ис дьыала министиэристибэтин, бэлииссийэ, атын судаарыстыба уорганнарын матырыйааллара бэчээттэнэллэрэ. Ону сэргэ Уркуускай генерал-күбүрүнээтэрин, Саха күбүрүнээтэрин дьаһаллара, Дьокуускай уокуруктааҕы суутун биллэриилэрэ, быһаарыылара тахсаллара.Хаһыат иккис чааһыгар Саха сирин Куораттааҕы дууматын бороткуолларын испииһэгэ, тахсыбыт быһылааннар бидэмэстэрэ, биллэриилэр бэчээттэнэллэрэ.[1]