سينٽ ڪٽس ۽ نيوس

سينٽ ڪٽس ۽ نيوس(انگريزي: Saint Kitts and Nevis ) جو سرڪاري نالو سينٽ ڪرسٽوفر ۽ نيوس جو وفاق آھي^[5]. اھو ويسٽ انڊيز ۾ واقع ھڪ ملڪ آھي جيڪو ٻيٽن تي مشتمل آهي. ڌرتيءَ جي اولھندي اڌ گول ۾ پکيڙ ۽ آبادي ٻنھي جي لحاظ کان سڀ کان ننڍڙو ملڪ آهي^[6]. ملڪ جي رياستي سربراھ برطانيا جي راڻي ايلزبيٿ II آهي^[6][7] ملڪ جو گاديءَ جو هنڌ باستيئر شھر آھي جيڪو ملڪ جي سڀ کان وڏي ٻيٽ ڪٽس ۾ واقع آهي^[6]. ننڍي ۾ ننڍو ٻيٽ نيوس اتان ٽن ڪلوميٽرن جي فاصلي تي ڏکڻ-اوڀر ۾ واقع آهي. برطانوي ڊپينڊنسي اينگويلا ماضي ۾ سينٽ ڪٽس ۽ نيوس جي اتحاد جو حصو ھئي ۽ ان وقت ان جو نالو سينٽ ڪرسٽوفر-نيوس-اينگويلا ھيو پر بعد ۾ اينگويلا ان اتحاد کان ڌار ٿي برطانيا جو سمنڊ پار علائقو بڻجي ويو. ھن ملڪ جي اتر-اوڀر ۾ سينٽ ايوسٽيٽيس، سابا، سينٽ بارٿيليمي، سينٽ مارٽن ۽ اينگويلا جا ٻيٽ واقع آھن. اوڀر ۽ اتر-اوڀر ۾ اينٽيگوا ۽ باربوڊا، ڏکڻ-اوڀر ۾ ريڊونڊا ۽ مونٽي سيراٽ ٻيٽ واقع آھن. سينٽ ڪٽس ٻيٽ ۽ نيوس ٻيٽ انھن ٻيٽن ۾ شامل آهن جن کي سڀ کان اول يورپين آبادڪاري شروع ڪئي ھئي ان ڪري انھن کي ويسٽ انڊيز جي سڀني ڪالونين جي ماء جو لقب مليل آهي^[8].

فيڊريشن آف سينٽ ڪرسٽوفر ۽ نيوس
جھنڊو نِسبتي نشان
شُعار: '"Country Above Self"
ترانو: "او خوبصورت سرزمين" شاھي ترانو: "خدا راڻي کي محفوظ رکي"
گادي جو هنڌ	باستيئر 17°18′N 62°44′W / 17.300°N 62.733°W / 17.300; -62.733
دفتري ٻوليون	انگريزي
مقامي ٻولي	ڪريئول
نسلي گروھ (2001)	92.5% ڪارا آفريڪي 3% گھڻ نسلي 2.1% يورپي 1.5% آمريڪي انڊين 0.6% باقي ٻيا 0.3% جن جي خبر ناهي
مقامي آبادي	ڪٽيٽيئن يا نيويسين
حڪومت	وفاقي پارليماني آئيني بادشاهت
• شاھي سربراھ	ايلزبيٿ II
• گورنر جنرل	سر ايس ڊبليو ٽيپلي سيٽان
• وزيراعظم	ٽموٿي ھئرس
• قومي اسيمبلي جو اسپيڪر	اينٿوني مخائيل پيرڪنس
مقننه	قومي اسيمبلي
آزادي
•  ايسوسيئيٽيڊ رياست جو درجو	27 فيبروري 1967
• يونائيٽيڊ ڪنگڊم کان	19 سيپٽمبر 1983
پکيڙ
• جملي	261 km2 (101 sq mi) (188th)
• پاڻي (%)	Negligible
آبادي
• 2016 اندازو	54,821[1] (209th)
• 2011 مردم شماري	46,204
•  گھاٽائي	164 /km2 (424.8 /sq mi) (64th)
جِي ڊي پي (مساوي قوت خريد )	2019 لڳ ڀڳ
• ڪل	$1.758 billion
• في سيڪڙو	$31,095[2]
جِي. ڊي. پي  (رڳو نالي ۾ )	2019 لڳ ڀڳ
• ڪل	$1.058 ارب ڊالر