Pavel Durov
Pavel Valeryevich Durov (rusisht: Павел Валерьевич Дуров, i lindur 10 tetor 1984) është një sipërmarrës rus, i njohur si themeluesi i rrjetit social VK, dhe më vonë i Telegram Messenger. Ai është vëllai i vogël i Nikolai Durov.
Pavel Durov | |
|---|---|
 Durov në 2012 | |
| U lind në | 10 tetor 1984 |
| Kombësia | rus |
| Shkollimi | Saint Petersburg State University |
| Profesioni | Sipërmarrës |
| Vite aktiviteti | tetor 2006 – prill 2014 |
| Njohur për | Krijimi i VK-së në 2006 Krijimi i Telegram Messengerit në 2013 |
| Të afërm | Nikolai Durov (vëllai) |
| Faqja në rrjet | VK.com/durov |
Jeta personale
Pavel Durov u lind në Leningrad (tani e njohur si St.Petersburg), por kaloi pjesën më të madhe të fëmijërisë në Itali, në qytetin e Torinos. Valery babai i tij (i cili mban një doktoraturë në filologji) ishte i punësuar aty. [2] Ai ndoqi shkollën fillore Italiane, dhe pas kthimit në Rusi në vitin 2001 ndoqi gjimnazin e Akademisë në Shën Petersburg. [3] Në vitin 2006, ai u diplomua nga Departamenti Filologjik i Shën Petersburg, Universiteti Shtetëror, ku ai mori një diplomë të klasit të parë.
Karriera
Durov krijoi VKontakte, i njohur më vonë si VK, në vitin 2006, i cili u ndikua fillimisht nga Facebook. [4]
Në vitin 2011 ai ishte i përfshirë në një incident me një ekip SWAT jashtë shtëpisë së tij në Shën Petersburg pasi qeveria kishte kërkuar largimin e faqeve të politikanëve të opozitës pas zgjedhjeve të diskutueshme parlamentare nga rrjeti social VK. [4][5]Më 16 prill 2014 Durov publikisht pranoi të dorëzojë të dhënat e protestuesve të Ukrainës për Agjencitë Ruse të Sigurisë dhe të bllokojë faqen e Alexey Navalny tek rrejti social VK. [6][7] Në vend të kësaj ai postoi urdhërat përkatëse në faqen e tij në VK [8] duke pretenduar se kërkesat ishin të paligjshme.