Куштӣ (варзиш)
Куштӣ (форсӣ: کشتی [koštī] < порсии миёна: kustīg «камарбанд» < порсии миёна: kust «паҳлӯ; сӯ; канор; бар»[1][2]) ё куштигирӣ — гунае варзиш, зӯрозмоии ду паҳлавон, ки аз камарбанди якдигар гиранду кӯшиш кунанд ҳамдигаррро ба пушт бар замин бизананд[3].
Эҳтимолан дар даврони Пешдодҳo дар ҷангҳои танбатани тоҷикон ин навъи варзиш пайдо шудааст.[4][5][6]
Таърих
Куштӣ яке аз қадимитарин ва фарогиртарин варзишҳои ҷаҳон аст ва эҳтимолан дар даврони пешини таърих бо тағйири шакл дар ҷангҳои танбатан ва ҷойгузин кардани марг ё садамоти шадид бо як пирӯзии намодин эҷод шудааст. Шоҳидҳои бисёре аз ҳузури куштӣ дар тамоми тамаддунҳои оғозини башарӣ вуҷуд дорад.
Албатта аввалин бор дар Юнони Бостон ба як варзиши воқеӣ табдил ва дар соли 704 то мелод вориди бозиҳои олимпӣ шуд. Дар бозиҳои олимпии бостон қаҳрамони куштигирӣ пас аз қаҳрамони партоби диск муҳиммтарин паҳлавони Юнон шумурда мешуд.
Ном
Номи ин варзиш аз кустӣ ё куштӣ ном камарбанде гирифта шуда, ки порсиён ва зартуштиён ҳангоми ғуруби офтоб ба камари худ мебистанд ва дар баробари оташдон ба дуо хондан мепардохтанд. Куштӣ гирифтан ба маънии камари якдигарро гирифтан аст. Асли он дар забони паҳлавӣ «кустик» ва дар забон форсии дарӣ «куштӣ» хонда мешавад.
Эзоҳ
Пайвандҳо
- Куштӣ
- FILA Wrestling Бойгонӣ шудааст 14 сентябри 2012 сол.
 | Куштӣ (варзиш) дар Викианбор |
|---|
 | Ин мақолаи хурд аст. Бо густариши он ба Википедия кӯмак кунед. Дар сурати имкон ин ёддошт бояд дақиқтар ҷойгузин шавад. |