Ҳизби демократи ИМА
Ҳизби демократи ИМА (англ. Democratic Party) — дар баробари ҷумҳурихоҳон, яке аз ду ҳизби сиёсии муосир дар Иёлоти Муттаҳида. Ин қадимтарин ҳизб дар ИМА аст. Рамзи ғайрирасмии ин ҳизб хар аст (рамзи якрав бартараф кардани монеаҳо ва истодагарӣ), ранги ғайрирасмии вай кабуд аст. Ба идеолужиҳои марказгаро ва марказгарои чап мувофиқат мекунад.
| Ҳизби демократи ИМА | |
|---|---|
 | |
| Пешво: | Jaime Harrison[d][1] |
| Асосгузор: | Andrew Jackson[d] ва Martin Van Buren[d] |
| Санаи асосгузорӣ: | 8 январ 1828 |
| Қароргоҳ: | |
| Маром: | modern liberalism in the United States[d] ва social liberalism[d] |
| Сайт: | democrats.org(англ.) |
 Парвандаҳо дар Викианбор | |
Аз солҳои 1930 инҷониб ҳизб мавқеъҳои сотсиал-либералӣ, ислоҳотталаб ва пешқадамро (прогрессивизмро) ишғол намуда, [2] [3] [4] дар сафҳои худ ислоҳотчиён, прогрессивӣ, либералҳои муосир (ба маънои Амрико) ва сентристҳоро муттаҳид мекунад. [5] Дар натиҷаи гузариши Ҳизби Демократӣ ба сӯи некӯаҳволӣ, ислоҳотпарастӣ ва прогрессивизм, ки дар солҳои 1930 ва 1960 ба вуқӯъ пайваст, ҷуғрофияи пуштибонӣ аз демократҳо низ тағйир ёфт. Агар дар нимаи дуюми асри 19 – нимаи аввали асри 20 ин ҳизб дар ҷанубу шарқи Иёлоти Муттаҳида нуфузи бештар дошта бошад, дар айни замон вай дар шимолу шарқ (иёлатҳои Миёна-Атлантик ва Англияи нав), дарМинтақаи кӯлҳои бузург ва дар соҳили Уқёнуси Ором (аз ҷумла Ҳавайӣ), инчунин дар шаҳрҳои калон новобаста аз минтақа қудрат дорад
Президенти 46-уми Иёлоти Муттаҳида Ҷо Байден шонздаҳумин демократ аст, ки ин мақомро ишғол мекунад. Дар натиҷаи интихоботи соли 2020 Ҳизби Демократ ҳам дар Сенат (51 курсӣ, аз ҷумла ноиби президент) ва ҳам дар Палатаи Намояндагон аксарияти курсиҳо ба даст овард.