Aba Ginoong Maria

Ang Ave Maria o Aba Ginoong Maria^[1] ay isang dasal na nagmula sa pinag-samang bati ng Arkanghel Gabriel kay Maria sa Mabuting Balita at pagbati ni Elizabeth sa pagdating ng Birheng Maria sa kanilang pamamahay. Narito ang talata mula sa Biblia na kung saan binati ni Arkanghel Gabriel si Maria sa panaginip: Lumapit ang anghel sa dalaga at binati ito, “Magalak ka! Ikaw ay lubos na kinalulugdan ng Diyos. Sumasaiyo ang Panginoon! (Lucas 1:28 MBB) ^[2] At narito naman ang talata kung saan binati ni Elizabeth si Maria Napasigaw siya sa galak, “Pinagpala ka sa mga babae, at pinagpala rin ang dinadala mo sa iyong sinapupunan!” (Lucas 1:42 MBB) ^[3] Bahagi rin ang dasal na ito ng pagrorosaryo.^[4]

Sa mga Katoliko, ito rin ang tawag sa isang panalangin. Ito ay ang sumusunod na mga linya^[1]:

Aba Ginoong Maria, napupuno ka ng grasya,

Ang Panginoong Diyos ay sumasaiyo.

Bukod kang pinagpala sa babaeng lahat

At pinagpala naman ang 'yong anak na si Hesus.

Santa Maria, Ina ng Diyos

Ipanalangin mo kaming makasalanan

Ngayon at kung kami'y mamamatay.

Amen