Abril
<< | Abril | >> | ||||
Li | Lu | Ma | Mi | Hu | Bi | Sa |
1 | 2 | 3 | 4 | 5 | 6 | |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | ||||
2024 |
Ang Abril ay ang ikaapat na buwan ng taon sa kalendaryong Gregoryano at Juliyano. Ito ang una sa apat na buwan na may habang 30 araw, at ang ikalawa sa limang buwan na may habang mas mababa sa 31 araw.
Karaniwang naikakabit ang Abril sa panahon ng tagsibol sa Hilagang Emisperyo at taglagas sa Timog Emisperyo, kung saan ito ang panahon katumbas sa Oktubre sa Hilagang Emisperyo at ang kabaligtaran nito sa isa't isa.
Kasaysayan
Binigyan ng mga Romano ang buwan na ito ng pangalang Latin na Aprilis[1] subalit hindi tiyak ang paghahango nito. Ang tradisyunal na etimolohiya ay mula sa pandiwang aperire, nangangahulugang "buksan", sa pagtukoy nito sa panahon na ang mga puno at bulaklak ay nagsisimula ng "bumuka", na sinusuportahan ng pagkumpara sa makabagong Griyegong gamit ng άνοιξη (ánixi) (pagbubukas) para sa tagasibol. Yayamang ilan sa mga buwang Romano ang ipinangalan para parangalan ang mga dibinidad, at sagrado ang Abril sa diyosang si Venus, ang kanyang Veneralia na ginaganap sa unang araw, minumungkahi na ang Aprilis ay original na kanyang buwan na Aphrilis, mula sa katumbas na diyosang Griyegong si Aprodita (Aphros), o mula sa pangalang Etrusko na Apru. Minungkahi ni Jacob Grimm na ang pangalan ay isang hipotetikong diyos o bayani, na si Aper o Aprus.[2]
Ikalawang buwan ang Abril sa sinaunang kalendaryong Romano,[3] bago ang Ianuarius at Februarius na dinagdag ni Haring Numa Pompilio noong mga 700 BC. Naging ikaapat na buwan ito ng taon sa kalendaryo (ang taon nang ipinapakitang nakaayos ang labing-dalawang buwan) noong panahon ng mga desenbirato noong mga 450 BC, na may habang 29 araw. Naidagdag ang ika-30 araw sa reporma ng kalendaryo na isinagawa ni Julio Cesar noong kalagitnaan ng dekada 40 BC, na nailabas ang kalendaryong Juliyano.
Mga simbolo
Diyamante ang birthstone o batong-kapanganakan ng Abril. Ang bulaklak-kapanganakan ay ang karaniwang butonsilyo (Bellis perennis) o gisantes.[4][5] Ang mga senyas ng sodyak ay Aries (hanggang Abril 19) at Tauro (Abril 20 pataas).[6][7]
Mga pagdiriwang
Hindi kinakailangan ang talang ito na magpahiwatig ng aliman sa katayuang opisyal o pangkalahatang pagdiriwang.
Buong buwan
- Sa tradisyong Katoliko, Protestante at Orodokso, buwan ng Muling Pagkabuhay ng Pangioon ang Abril. Sa mga buwan ng Abril at Marso ipinagdiriwang ang naililipat na Kapistahan ng Pasko ng Muling Pagkabuhay.
- Pambansang Buwan ng Alagang-hayop (Reyno Unido)
Estados Unidos
- Buwan ng Kamalayan sa Autismo[8][9][10]
- Buwan ng Kasaysayan ng Konpederado (Alabama, Florida, Georgia, Louisiana, Mississippi, Texas, Virginia)
- Buwan ng Batang Militar[11][12]
- Buwan ng Kamalayan ng Rosacea[13][14]
Nakapirmi
- Abril 1
- Araw ng mga Tanga[15]
- Abril 9
- Abril 15
- Araw ng Araw (Hilagang Korea).[16]
- Abril 22
- Araw ng Daigdig (Internasyunal na pagdiriwang)
- Abril 25
- Araw ng Pagkakatayo ng Militar (Hilagang Korea)[16]