Akademya Militar ng Pilipinas
Ang Akademya Militar ng Pilipinas[1] (PMA; Ingles: Philippine Military Academy; Kastila: Academia Militar de Filipinas) ay ang pangunahing akademiyang militar para sa mga Pilipinong naghahangad para sa isang komisyon bilang opisyal na militar ng Sandatahang Lakas ng Pilipinas (AFP).[2] Itinatag ito noong 21 Disyembre 1936 sa bisa ng Batas ng Pambansang Tanggulan ng 1935. Ito ay tinularan sa Akademiyang Militar ng Estados Unidos.[3] Ang Akademiya ay matatagpuan sa lungsod ng Baguio.[4] Ito ay paaralan ng pagsasanay para sa mga magiging opisyal ng AFP.[5][6]
| Akademya Militar ng Pilipinas | |
|---|---|
.svg) | |
| Sawikain sa Tagalog | Kagitingan Karangalan Katapatan |
| Itinatag noong | 23 Oktubre 1898 |
| Uri | Akademiyang serbisyo |
| Superintendente | VAdm. Allan Ferdinand V. Cusi, PN |
| Commandant of Cadets | BGen. Romeo Brawner, Jr. |
| Lokasyon | Muog Heneral Gregorio del Pilar , , |
| Kampus | Muog ng Del Pilar (373 hectares) |
| Dating pangalan | Academia Militar de Malolos (1898–1905) Paaralan ng Opisyal, Konstabularyo ng Pilipinas (1905–1926) Akademiyang Konstabularyo ng Pilipinas (1926–1935) |
| Awit ng Alma Mater | "PMA, Oh Hail to Thee." |
| Mga Kulay | Abo |
| Palayaw | Mga Kabalyerong PMA- "Mistah" or "Bok" |
| Apilasyon | NDCP, AFP |
| Websayt | pma.ph |
| PMA Facade.JPG | |
Sinusundan ng akademya ang mga pinagmulan nito noong 1898, nang ipinamahala ni Heneral Antonio Luna ang pagkatatag ng Academia Militar sa Pilipinas. Mula noon, ang akademiya ay nagsilbi bilang isang pambansang palatandaang pangkasaysayan para sa makasaysayang ambag at "mahaba at walang katapusan hanay ng kalidad ng edukasyong pangmilitar."[7] Ang kampus ay isang sikat na pasyalan ng mga turista sa Lungsod ng Baguio.[8] Ang pagpasok ng mga Kandidatong Kadete ay dapat sumailalim at pumasa ng mga sunud-sunod na pagsusulit (Nakasulat, Pisikal, Medikal at Neuro-Sikiyatriko); humigit-kumulang 400 kalalakiha't kababaihan ay pumapasok sa Akademiya bawat Hunyo.[9][10] Ang mga mag-aaral ay mga opisyal-sa-pagsasanay at itinuring bilang mga "kadete" o pinagsama bilang "Pulutong na Katede ng Sandatahang Lakas ng Pilipinas" (CCAFP).[11] Ang bayad sa pag-aaral at buwanang pataan ay pinondohan nang buo ng pamahalaan sa palitan ukol sa isang obligasyon sa aktibong tungkulin sa serbisyo sa pagtatapos.
Ang programang pang-akademiko ay nagbibigay ng isang Batsilyer ng Agham sa Pamamahala sa Pambansang Katiwasayan na may isang kurikulum na nagpapanatili ng pamantayan ng mataas na antas ng pagganap ng kadete sa akademiko, taktika ng militar at kalakasan pampisikal at pampalakasan ng katawan. Ang mga kadete ay kinakailangang sumunod sa Alituntunin ng Karangalan na sinasabi na "Kami, mga kadete, at hindi nagsisinungaling, lumilinlang, nag-uumit, ni nagpaparaya sa kasama natin na gumagawa nito. Ibinabatay ng PMA ang pag-unlad ng cadet sa apat na aspeto: pagkatao, akademika, militar at pisikal[12] Ang mga nagtapos ay inatasan bilang pangalawang tenyente sa Hukbong Katihan ng Pilipinas at Hukbong Himpapawid ng Pilipinas at bilang insinya sa Hukbong Dagat ng Pilipinas.
Sa kabila ng limitadong alok sa batsilyerato, ang akademiya ay patuloy na nakapuwesto sa nangungunang 100 Pamantasan at Dalubhasaan sa Pilipinas ukol sa kalidad na edukasyon at pamamahala nito[13] Ang PMA ay sertipikadong ISO 9001:2015.[14]\
Tingnan din
- Dalubhasaan ng Tanggulang Pambansa ng Pilipinas
- Akademiya ng Pambansang Pulisya ng Pilipinas
- Akademiya sa Bapor Pangkalakalan ng Pilipinas
- Ranggo ng kadete sa Pilipinas
Mga sanggunian
Mga Talaarawan ng Senado, Ika-4 na Tagapagbatas ng Pilipinas, Tomo 1, pahina 32, 23 Oktubre 1916 (nakasulat sa Kastila)Ang orihinal na sipi ay matatagpuan sa Gusaling Adams, Aklatan ng Konggreso ng EU
Mga panlabas na kawing
