Enerhiya ng pagkain

Ang enerhiya ng pagkain ay enerhiyang kemikal na nakukuha ng mga hayop (pati ang mga tao) mula sa kanilang pagkain upang mapanatili ang kanilang metabolismo, kabilang ang aktibidad ng kanilang kalamnan.^[1]

Nakukuha ng karamihan ng mga hayop ang kani-kanilang enerhiya mula sa respirasyong aerobiko, alalaong baga’y pagsasama-sama ng mga karbohidrata, taba, at protina sa oksiheno mula sa hangin o nalusaw sa tubig.^[2] Maaaring makaambag ang mga ibang mas maliliit na bahagi ng diyeta, kagaya ng mga asidong organiko, poliyol, at etanol (inuming de-alkohol). Kaunti o walang naibibigay na enerhiya ang ilang bahagi ng diyeta, tulad ng tubig, mga mineral, mga bitamina, kolesterol, at hiblang pandiyeta, ngunit maaaring kailanganin pa para sa kalusugan at kaligtasan sa iba pang kadahilanan. Imbes nito, may respirasyong anaerobiko ang ilang mga organismo na kumukuha ng enerhiya mula sa pagkain gamit ang mga reaksyon na hindi nangangailangan ng oksiheno.